Cümə axşamı , Mart 28 2024
Ana səhifə / Media / “Prezidentə şikayət edəcəyik” dedik, “hara gedirsiniz, gedin” dedi – İcra başçısı ilə əlil və şəhid ailələri arasında gərginlik

“Prezidentə şikayət edəcəyik” dedik, “hara gedirsiniz, gedin” dedi – İcra başçısı ilə əlil və şəhid ailələri arasında gərginlik

Bu gün bir qrup Qarabağ əlili və şəhid ailəsi Yasamal Rayon İcra Hakimiyyətinə toplaşıb.

Bu barədə AzNews.az-a icra hakimiyyətinə yollanan əlillərdən biri məlumat verib. Bildirib ki, sözügedən şəxslər Yeni Yasamal, Əsəd Əhmədov küçəsi 31 A ünvanının sakinləridir.

“Bina 2010-cu ildə “Altıncı mərtəbə” şirkəti tərəfindən tikilib. Burada 81 mənzil var, hamısında da Qarabağ əlili və şəhid ailələri yaşayır. Binada saysız-hesabsız problemlər var və onların heç biri həll edilmir. Lift işləmir, içərisinin təmiri sökülüb-dağılıb, üzlüyü tamam yararsız vəziyyətdədir, heç bir sənədləşmə aparılmayıb. Biz də binadakı problemlə əlaqədar Yasamal rayon İcra Hakimiyyətinin başçısı ilə görüşmək istəyirik. 30 nəfərə yaxın sakin burdayıq. Deyirlər ki, üstünüzə polis çağırılacaq, buranı tərk edin”, – deyə Qarabağ əlili bildirib.

Bina sakinləri isə həqdə-qorxuya rəğmən icra başçısıyla görüşməyə israr ediblər. Bir qədər sonra icra başçısı İbrahim Mehdiyev onları binanın foyesində qarşılayıb: “Çıxdı bizə dedi ki, sizi qəbul etmirəm. Biz də bildirdik ki, gedəcəyik prezidentə şikayət edəcəyik. Cavab verdi ki, “hara gedirsiniz, gedin””.

"Prezidentə şikayət edəcəyik" dedik, “hara gedirsiniz, gedin” dedi
"Prezidentə şikayət edəcəyik" dedik, “hara gedirsiniz, gedin” dedi
"Prezidentə şikayət edəcəyik" dedik, “hara gedirsiniz, gedin” dedi

Həmçinin oxuyun

Miyatoviç Azərbaycan hakimiyyətini ifadə azadlığını boğmaqda günahlandırır

Avropa Şurasının İnsan Hüquqları üzrə Komissarı Dunya Miyatoviç Azərbaycanda jurnalistlərə və fəallara qarşı “artan repressiyalardan” …

Bir cavab yazın