Bazar ertəsi , Noyabr 30 2020
Ana səhifə / Media / Paşinyanın rəsmi internet saytı hakerlər tərəfindən “sındırılıb”

Paşinyanın rəsmi internet saytı hakerlər tərəfindən “sındırılıb”

Ermənistanın baş naziri Nikol Paşinyanın rəsmi internet saytı bu gün azərbaycanlı hakerlər tərəfindən “sındırılıb”. Virtualaz.org erməni KİV-lərinə istinadən xəbər verir ki, saytda Azərbaycan prezidentinin “Valday” forumundakı çıxışının mətn və video versiyası yerləşdirilib. “Qarabağ-Azərbaycandır, nida işarəsi!”, -Paşinyanın səhifəsində, press-relizlər bölməsində həmin mətn bu başlıqla təqdim olunub.

Bir müddət sonra səhifəyə müdaxilə aradan qaldırılıb və mətn götürülüb. Bununla belə informasiya bir neçə saat ərzində Paşinyanın saytında qalıb.

Erməni kibertəhlükəsizlik ekspertləri haker müdaxiləsini “Anti-armenia team” adlı haker komandasının həyata keçirdiyini deyirlər. “Onlar Ermənistan üzrə ixtisaslaşıblar, erməni saytlarına hücumlarla aktiv məşğuldurlar”,-informasiya təhlükəsizliyi üzrə ekspert Samvel Martirosyan deyib.

Sayta müdaxilə ilə bağlı araşdırma aparıldığı bildirilir. Rəsmilərdən bu məsələni şərh edən olmayıb. Xatırladaq ki, prezident İlham Əliyev Paşinyanın Xankəndində avqustun əvvəllərində dediyi “Qarabağ-Ermənistandır, nöqtə” sözlərinə bu günlərdə Soçidəki “Valday” forumunda cavab verib.

Həmçinin oxuyun

“Gəncə və Bərdədə gördüyümüz səhnələr dəhşətli idi” – Fransalı jurnalist

Döyüş zonasından uzaqda yerləşən Bərdə bazarına kasetli bombalarla hücum edilmişdi. Bu, dəhşət idi, bomba heç …