Cümə , Oktyabr 30 2020
Ana səhifə / Media / Övladlığa götürmə qaydaları dəyişdirilir? – Açıqlama

Övladlığa götürmə qaydaları dəyişdirilir? – Açıqlama

Azərbaycanda övladlığa götürmə qaydalarında dəyişiklik edilməsi ilə bağlı təkliflər layihəsi hazırlanır.

Ailə, Qadın və Uşaq Problemləri üzrə Dövlət Komitəsinin Hüquqi-təminat şöbəsinin müdiri Taliyə İbrahimova APA-nın sorğusuna cavab olaraq bildirib ki, Nazirlər Kabinetinin 81 saylı qərarı ilə təsdiq edilmiş “İnsan alverinə şərait yaradan sosial problemlərin aradan qaldırılması üzrə Proqram”dan irəli gələrək övladlığa götürmə qaydalarının təkmilləşdirilməsi istiqamətində təkliflər hazırlanır.

Onun sözlərinə görə, Azərbaycanda övladlığa götürmə qaydası Ailə Məcəlləsi ilə tənzimlənir: “Ailə Məcəlləsində övladlığa götürmə qaydası, xüsusən də 120-ci maddənin təkmilləşdirilməsi ilə bağlı təkliflər layihəsi hazırlanır. Biz 120-ci maddəni daha da təkmilləşdirmək istəyirik. Təkliflər aidiyyəti qurumlarla razılaşdırıldıqdan sonra Nazirlər Kabinetinə təqdim olunacaq”.

T. İbrahimova qeyd edib ki, layihədə övladlığa götürmə ilə bağlı Nazirlər Kabineti tərəfindən təsdiqlənmiş xüsusi qaydanın olması nəzərdə tutulub: “Ailə Məcəlləsinə dəyişikliklər edildikdən sonra artıq Nazirlər Kabineti tərəfindən xüsusi bir qayda tətbiq ediləcək. Qaydalarda bir sıra məsələlərin tənzimlənməsi nəzərdə tutulur. Övladlığa götürmə qaydası, qurumlar arası əlaqələndirmə, qurumların üzərinə düşən funksiyalar, eyni zamanda övladlığa verilmiş uşaqların sonrakı həyat şəraitinə nəzarət edilməsi layihədə göstərilib”.

Həmçinin oxuyun

Fransada Qarabağ haqqında reportajın müəllifi olan jurnalist kəskin tənqid olunur

«Sərhədsiz Reportyorlar» TF 1 televiziyasının jurnalistinin Dağlıq Qarabağ münaqişəsi haqqında hazırladığı reportajın yayımından sonra ona …

Bir cavab yazın