Azinforum.az İnformasiya Portalı Onlayn Xəbər Portalı
Əmək və Əhalinin Sosial Müdafiəsi Nazirliyinin Prezident yanında Kütləvi İnformasiya Vasitələrinin İnkişafına Dövlət Dəstəyi Fondu (KİVDF) ilə birgə keçirdiyi müsabiqənin nəticələri açıqlanıb.
NazirlikdənModerator.az-a bildirilib ki, “Azərbaycanda sosial müdafiə sisteminin inkişafı: dünən, bu gün, sabah” mövzusunda müsabiqədə aşağıdakı jurnalistlər qalib elan olunub.
Müsabiqədə I yeri tutmuş Azad Əliyevə (“Həftə içi” qəzetinin redaktoru), II yeri tutmuş Gülnarə Məmmədovaya (“Bizim Yol” qəzetinin müxbiri) və Orxan İsrafilova (“İki sahil” qəzetinin bölmə müdiri), III yeri tutmuş Ziyadxan Həsənova (“AZƏRTAC” İnformasiya Agentliyinin bölmə müdiri), Günel Cəlilovaya ( “Bakı-Xəbər” qəzetinin müxbiri) və Nardar Bayramova (“Yeni Azərbaycan” qəzetinin müxbiri) diplom və mükafatlar, həmçinin Məğrur Əliyevə (“Kaspi” qəzetinin baş redaktor müavini), Aysel Oğuza (“Olaylar” qəzetinin şöbə müdiri), Minarə Hacıyevaya (“Səs” İnformasiya Agentliyinin şöbə müdiri), Mahir Zeynalova (“Xalq Cəbhəsi” qəzetinin redaktoru) və Rüfət Sultana (“Mövqe” qəzetinin müxbiri) təşəkkürnamə və həvəsləndirici mükafatlar təqdim olunub.
