Lerikin kəndləri işıqsız qalıb

Lerik rayonunda güclü külək səbəbindən kəndlərə elektrik enerjisinin verilişi dayandırılıb.

Bu gün səhər saatlarında başlayan külək günorta saatlarında daha da şiddətlənib. Nəticədə rayon ərazisinə elektrik enerjisinin verilişi dayandırılıb. Hazırda kəndlərin əksəriyyətində işıq yoxdur. Ancaq rayon mərkəzinə və bir neçə yaxın kəndə bir qədər əvvəl enerji verilişi bərpa edilib.
Qeyd edək ki, yağışla müşayiət olunan külək nisbətən səngisə də, əsməkdə davam edir. (Report)