Cümə axşamı , Oktyabr 22 2020
Ana səhifə / Media / Lənkəran-Lerik şosesində yenə sürüşmə olub – VİDEO

Lənkəran-Lerik şosesində yenə sürüşmə olub – VİDEO

Yanvar ayında bölgəyə yağan intensiv yağıntı Lənkəran-Lerik şosesində yenidən torpaq sürüşmələrinə səbəb olub. APA-nın cənub bürosunun məlumatına görə,  ən gərgin vəziyyət yolun 27-ci kilometrliyində qeydə alınıb. Belə ki, torpaq sürüşməsi əhatə dairəsini genişləndirməklə şose yolun asfalt qatını bürüyüb.
25 saylı Lerik Rayon Yol İstismar Sahəsinin baş mühəndisi Ziyafət İsmayılov APA-ya bildirib ki,  Lənkəran-Lerik şosesində sürüşmə sahəsində daha çox aktivlik yolun 17-29 və  46-53-cü kilometrliklərində müşahidə olunmaqdadır: ”Biz sürüşmənin qarşısını almaq üçün qabaqlayıcı tədbirlər görürük, su kanalları təmizlənir, su axarları yol yatağından kənarlaşdırılır. Yolda genişlənmə və bərkitmə işləri görülməlidir, istinad divarları tikilməlidir”.
Hazırda bölgədə sabit  hava şəraiti hökm sürdüyündən Lənkəran-Lerik şosesində nəqliyyatın hərəkətində hər hansı çətinlik müşahidə olunur.

Həmçinin oxuyun

Almaniyanın məşhur kanalında Gəncəyə hücumla bağlı reportaj yayımlandı

Almaniyanın “Deutsche Welle” telekanalında “Dağlıq Qarabağ münaqişəsi: Gəncədəki matəm və qəzəb” adı ilə reportaj yayımlanıb. …

Bir cavab yazın