Bazar ertəsi , Sentyabr 23 2019
Ana səhifə / Media / Kredit borcu olanlar sosial mənzil ala bilərmi? – EKSPERT

Kredit borcu olanlar sosial mənzil ala bilərmi? – EKSPERT

Mayın 1-dən sosial evlərin alınması üçün qeydiyyat başlayacaq. Bununla bağlı müraciətlər artır. İqtisadçı-ekspert Vüqar Bayramov bununla bağlı son günlər səslənən bəzi məsələlərə aydınlıq gətirib:

Sual 1. Hal-hazırda mənzil sahibi olanlar sosial ev ala bilərmi?

Mövcud qanunvericilik mənzilə sahib olanların sosial evlərə müraciətini məhdudlaşdırmır. Bu isə o deməkdir ki, adına ev olanlar sosial mənzilə müraciət edə bilərlər.

Sual 2. Kredit borcu olanlar sosial mənzil ala bilərlərmi?

Kreditin olması sosial mənzilə müraciəti məhdudlaşdırmır. Krediti olanlar sosial mənzil ala bilərlər. Sadəcə bu zaman aylıq kredit ödənişləri xərc olaraq müraciət edən şəxsin gəlirindən çıxılır və əgər müraciətçinin gəliri bütün öhdəlik və xərc çıxıldıqdan sonra sosial evə müraciətə imkan verirsə o zaman bu mümkündür.

Sual 3. Müraciətlər neçə mərhələli olacaq?

Müraciət sistemi 2 mərhələli olacaq. Mayın 1-dən başlanan 1-ci mərhələdə qeydiyyat prosesi həyata keçiriləcək. Daha sonra sosial ev almaq hüququna malik olan və qeydiyyatdan keçənlər sosial ev almaq üçün müraciətə dəvət ediləcək. Məhz ikinci mərhələdə tez müraciətə daha tez baxılacaq.

Sual 4. Mayın 1-dək qeydiyyatdan keçmək mümkündürmü?

Mayın 1-dək qeydiyyatdan keçmək mümkün deyil. Bununla belə, Bakıda 1, 3 və 5 saylı ASAN Xidmətlərdə və eləcə də Sumqayıt ASAN Xidmətdə artıq sosial evlərlə bağlı bütün suallara aydınlıq gətirilir. Sosial ev almaq istəyənlər sözügedən xidmətlərə müraciət edə bilərlər.

Həmçinin oxuyun

Elçin Şıxlı İctimai Televiziyadakı işindən DANIŞDI

Azərbaycan Jurnalistlər Birliyinin sədri, fəaliyyəti dayanmış “Ayna-Zerkalo” qəzetlərinin sahibi Elçin Şıxlı İctimai Televiziyada fəaliyyətə başlayıb. …

Bir cavab yazın