Bazar ertəsi , Oktyabr 18 2021
Ana səhifə / Media / Körpələrə ən çox qoyulan 4 səhv diaqnoz – Azərbaycanda

Körpələrə ən çox qoyulan 4 səhv diaqnoz – Azərbaycanda

Ölkəmizdə körpələrə ən çox qoyulan 4 səhv diaqnoz – kəllədaxili təzyiq, timus, hipoksiya (oksigen çatışmazlığı), əsəbdir.

Azinforum.az Azərtac-a istinadən xəbər verir ki, uzman pediatr Altay Abdullayev qeyd edib ki, ölkəmizdə bu xəstəliklərlə əlaqədar kurs müalicələr alan kifayət qədər körpə uşaq var.

“Azərbaycanda olduğum müddətdə mənə bu diaqnozla müraciət edən xəstələrin 99 faizinin tamamilə sağlam olduğunu müşahidə etmişəm. Çox vaxt körpələrdə olan bəzi normal əlamətlər xəstəlik kimi qəbul edilir və buna uyğun olaraq kurs müalicələrə başlanılır. Bu əlamətlərdən ən çox rast gəldiklərimiz körpələrin ağız ətrafında müşahidə olunan göyərmələr, ağlayanda çənənin əsməsi, gecələr səbəbsiz şəkildə ağlamalar, dilin bayıra çıxarılmasıdır. Bildirmək istəyirəm ki, bu əlamətlər xəstəlik əlaməti deyil və körpələrdə rast gəlinən normal, fizioloji haldır. Əgər körpənin müayinəsində digər əlamətlər görünməzsə, bu əlamətlər müstəqil surətdə hər hansı xəstəliyin əlaməti hesab olunmur və tamamilə normal haldır. Bu əlamətlər müəyyən müddət sonra keçib gedəcək. Ona görə hər kəsə tövsiyəm uşaqlarına qarşı daha diqqətli olmaları və körpələri yersiz kurs müalicələrə məruz qoymamaqlarıdır”, – deyə pediatr diqqətə çatdırıb.

Həmçinin oxuyun

Xanım jurnalist üzləşdiyi təxribatın həll edilməsi ilə bağlı nazir Vilayət Eyvazova təşəkkür etdi

Jurnalist, Azeronline.tv saytının baş redaktoru Elmira Hümbətova daxili işlər naziri Vilayət Eyvazova xüsusi təşəkkürünü çatdırıb: …

Bir cavab yazın