Şənbə , Yanvar 16 2021
Ana səhifə / Media / Komunal xidmətlər müzakirə olundu

Komunal xidmətlər müzakirə olundu

İqtisadi İslahatların Təhlili və Kommunikasiya Mərkəzində “Milli iqtisadiyyat və iqtisadiyyatın əsas sektorları üzrə strateji yol xəritəsinin başlıca istiqamətləri” çərçivəsində “Komunal xidmətlər” alt işçi qrupunun müzakirəsi keçirilib.

Müzakirələrdə Prezident Administrasiyası, İqtisadi İslahatların Təhlili və Kommunikasiya Mərkəzi, İqtisadiyyat Nazirliyi, Energetika Nazirliyi, Dünya Bankı, Asiya İnkişaf Bankı, İslam İnkişaf Bankı və digər beynəlxalq və yerli qurumların nümayəndələri iştirak ediblər. Orta və uzun müddət üçün sektor strategiyası, institusional islahatlar və korporativ strukturun inkişafı məsələləri müzakirələrdə qeyd olunub.

Vurğulanıb ki, infrastruktur sahələri üzrə əsas dövlət müəssisələrinin fəaliyyətinin nəticələri üçün müddətlər və hədəflər müəyyən edilməlidir. Dövlət tərəfindən vəsaitin ayrılması isə dövlət müəssisələri üçün stimulların yaradılmasından ötrü fəaliyyətin nəticələrinə əsaslanmalıdır. Fəaliyyətin nəticələri üzrə hədəflər 2 kateqoriyaya bölünür: əməliyyat və institusional hədəflər.

Alt işçi qrupunun müzakirələri zamanı səslənən təkliflər sistemləşdirilərək “Milli iqtisadiyyat və iqtisadiyyatın əsas sektorları üzrə strateji yol xəritəsinin başlıca istiqamətləri” sənədində nəzərə alınması üçün işçi qrupa təqdim edilib.

AzVision.az

Həmçinin oxuyun

Türkiyə mediası Prezidentin Şuşaya səfərindən yazır

Azərbaycan Respublikasının Prezidenti İlham Əliyevin yanvarın 14-də Əhmədbəyli-Füzuli-Şuşa avtomobil yolunun 27-ci kilometrində Füzuli-Şuşa yolunun, həmçinin …

Bir cavab yazın