Jurnalistlərin media reyestrində qeydiyyat prosesi necə olacaq? – AÇIQLANDI

Yeni hazırlanan “Media haqqında” qanun layihəsinə əsasən, jurnalistlərə dair məlumatların sistemləşdirilməsi məqsədilə media reyestrinin formalaşdırılması nəzərdə tutulub. Reyestrə daxiledilmə könüllülük prinsipi əsasında həyata keçiriləcək. 

Bunu Medianın İnkişafı Agentliyinin Kommunikasiya şöbəsinin müdiri Səidə Şəfiyeva deyib.

S.Şəfiyeva bildirib ki, adları media reyestrinə daxil edilən jurnalistlərə vahid jurnalist vəsiqəsi veriləcək: “Vahid jurnalist vəsiqəsi əldə edənlərə güzəştlərin edilməsi və müəyyən imtiyazların verilməsi nəzərdə tutulub”.

Reyestrə daxil olmaq üçün ali təhsil və minimum 3 il əmək stajı tələb edilir.