Bazar ertəsi , Yanvar 25 2021
Ana səhifə / Media / İsti havalardan sonra quraqlıq gözlənilirmi? – Açıqlama

İsti havalardan sonra quraqlıq gözlənilirmi? – Açıqlama

Azərbaycanda havaların həddən artıq isti keçməsi ilə əlaqədar ölkə ərazisindəki çaylarda quraqlığın yaranması gözlənilmir.

Bunu Ekologiya və Təbii Sərvətlər Nazirliyinin Hidrometeoroloji Proqnozlar Bürosunun baş hidroloqu Asif Verdiyev deyib.

A.Verdiyev bildirib ki, son günlərdə ölkədə hava şəraitinin isti keçməsi və buxarlanmanın olması çaylara, xüsusən də dağ çaylarına öz təsirini göstərib: “Azərbaycanda bu cür hallar olub, 2014-cü ildə, ondan əvvəllər də belə hadisələr olub, ancaq artıq bu gün və sabah hava şəraitinin nisbətən yağıntılı keçməsi ilə əlaqədar çaylarda sululuğun artımı gözlənilir”.

A.Verdiyev vurğulayıb ki, adətən isti yay aylarında çayların məcrasında quraqlıq baş verir, lakin isti havaların ardınca yağışdan sonra çaylarda sululuq bərpa olunur.

Qeyd edək ki, ETSN-nin Milli Hidrometeorologiya Departamentindən Trend-ə verilən məlumata görə, avqustun 11-də Azərbaycanın bəzi dağlıq ərazilərdə şimşək çaxacağı, yağış yağacağı ehtimalı var.

Həmçinin oxuyun

Əli Həsənovun jurnalisti şantaj etməsinə reaksiya: “Görün, qafası dünən necəymiş…“

Prezidentin keçmiş köməkçisi Əli Həsənovun adı ətrafında növbəti dəfə qalmaqal yaranıb. Belə ki, Həsənov bu …

Bir cavab yazın