Cümə axşamı , Mart 28 2024
Ana səhifə / Media / “İş yerləri bağlanacaq, işsizlər ordusu yaranacaq…” – Səttar Mehbalıyevdən hökumətə çağırış

“İş yerləri bağlanacaq, işsizlər ordusu yaranacaq…” – Səttar Mehbalıyevdən hökumətə çağırış

“Elektrik enerjisi və qazın qiymətinin qaldırılması ölkədə işsizliyin sayının artmasına təkan verəcək”.
Bu sözləri deputat, Həmkarlar İttifaqları Konfederasiyasının sədri Səttar Mehbalıyev parlamentdə 2017-ci ilin büdcə layihəsinin müzakirəsi zamanı deyib. (modern.az)
Deputat bildirib ki, artıq bununla bağlı iş adamları ona müraciət edib və gələcək fəaliyyətlərində ciddi problemin olacaqlarını dilə gətiriblər: “Misal üçün bir şəxs iki hektara yaxın istixanasının olduğunu və təkcə indiyədək ayda enerji daşıyıcılarına 25 min manatadək vəsait xərclədiyini bildirdi. Bundan sonra isə bu xərclər iki dəfə artaraq 50 min manat edəcək. İş adamı da nəticədə fəaliyyətini dayandıracaq və işçiləri ixtisara salacaq. Bu da işsizliyin artmasına səbəb olacaq. Onlar hara gedəcək?!”.
Səttar Mehbalıyev xəstəxanaların özəlləşməsi ilə bağlı məsələyə də münasibət bildirib:
  “Ən azından işçilərə alternativ iş yeri təklif olunmalıdır. Onlar iş yerləri ilə təmin olunmalıdır ki, sonra müəssisə özəlləşdirilməyə çıxarılsın. Bu gün özəlləşdirilməyə çıxarılacaq kifayət qədər istifadəsiz müəssisələr var, qoy onlar öncə çıxarılsın. SOCAR-a məxsus yetərincə istifadəsiz istirahət mərkəzləri var. Qoy onlar çıxarılsın. Müəssisə özəlləşən zaman insan amili öndə olmalıdır”.

Həmçinin oxuyun

Miyatoviç Azərbaycan hakimiyyətini ifadə azadlığını boğmaqda günahlandırır

Avropa Şurasının İnsan Hüquqları üzrə Komissarı Dunya Miyatoviç Azərbaycanda jurnalistlərə və fəallara qarşı “artan repressiyalardan” …

Bir cavab yazın