Şənbə , Sentyabr 21 2019
Ana səhifə / Media / Güclü qar Bakı-Balakən qatarının hərəkətini dayandırdı

Güclü qar Bakı-Balakən qatarının hərəkətini dayandırdı

Azərbaycanda hökm sürən qarlı hava şəraiti dəmir yollarının işinə də təsir edib.

“Azərbaycan Dəmir Yolları” QSC-nin mətbuat xidmətinin rəhbəri Nadir Əzməmmədov Trend-ə bildirib ki, güclü qar səbəbindən Bakı-Balakən istiqaməti üzrə hərəkət edən qatar hazırda Qax rayonu ərazisində dayanıb.

N.Əzməmmədov bildirib ki, hazırda həmin ərazidə təmizlik işləri aparılır. Onun sozlərinə görə, Qax rayon İcra Hakimiyyətinə müraciət olunub ki, sərnişinlərin ünvana çatdırılması üçün nəqliyyat vasitəsi təmin etsin: “Çünki yolun təmizlənməsi bir az vaxt aparacaq. Yağan qarın səviyyəsi 70-80 sm təşkil edir. Əslində qatar hərəkətini davam etdirə bilər, ancaq təhlükəsizlik baxımından biz özümüz qatarın hərəkətini dayandırmışıq”.

N.Əzməmmədov əlavə edib ki, digər istiqamətlərdə qatarların hərəkətində heç bir problem yoxdur.

Həmçinin oxuyun

6 milyon zərəri olan “Azərbaycan” nəşriyyatı özəlləşdiriləcək? – “Buranı bağlatdırmaq istəyirsən?”

“Azərbaycan” nəşriyyatı 2018-ci ildə də zərərlə işləyib və yığılmış zərəri 6 milyon 99 min manata …

Bir cavab yazın