Bazar ertəsi , Yanvar 18 2021
Ana səhifə / Media / Girdimançayın suyunun rənginin dəyişmə səbəbləri bəlli oldu – VİDEO

Girdimançayın suyunun rənginin dəyişmə səbəbləri bəlli oldu – VİDEO

İsmayıllı və Ağsu rayonlarının əsas su mənbəyi olan Girdimançayın suyunun keyfiyyətinin pisləşməsi ilə bağlı Ekologiya və Təbii Sərvətlər Nazirliyinin mütəxəssisləri tərəfindən operativ monitorinqlər keçirilib.
Kanal S (Region TV) xəbər verir ki, monitorinqlər zamanı çay boyu müxtəlif nöqtələrdən su nümunələri götürülüb və kompleks analiz üçün ETSN-nin mərkəzi laboratoriyasına təhvil verilib.
Mütəxəssislərin rəyinə görə, yağıntıların olmaması, su sərfinin azalması, temperaturun artması çay suyunda yosunların və fitoplanktonların sürətlə artmasına əlverişli şərait yaradıb. Bu isə suyun yaşıl rəngə boyanmasına səbəb olub. Əksər çaylarda baş verən bu müvəqqəti problem temperaturun aşağı düşməsi və yağıntıların başlaması ilə aradan qalxacaq. Qeyd edək ki, bu ayın əvvəllərindən İsmayıllı və Ağsu rayonlarında əhalinin içməli və suvarma suyu kimi istifadə etdiyi Girdimançayın suyunun rəngi və dadı dəyişib.
Bu, yerli əhalidə narahatlıq yaradıb.

Həmçinin oxuyun

Türkiyə mediası Prezidentin Şuşaya səfərindən yazır

Azərbaycan Respublikasının Prezidenti İlham Əliyevin yanvarın 14-də Əhmədbəyli-Füzuli-Şuşa avtomobil yolunun 27-ci kilometrində Füzuli-Şuşa yolunun, həmçinin …

Bir cavab yazın