Evsiz olan azərbaycanlı məşhurlar – Siyahı

Tanınmışlar arasında isə evlərini nümayiş etdirmək artıq dəb halını alıb. Ona görə də cəmiyyət onları varlı təbəqə hesab edir. Lakin tanınmışlar arasında da illərlə kirayədə yaşayan, evsiz olanlar var.

Onlardan biri müğənni Samiradır. O, “Qafqazinfo”ya müsahibəsi zamanı bildirib ki,hazırda ailəsi ilə kirayədə yaşayır: “Gündəmdə olmaq üçün belə şey etmək istəmirəm. Səviyyəli məkanlara getmək istəyirəm. Adıma layiq, mən və mənimlə yanaşı bir çox müğənnilər belə yerlərdə olsun. Fundament başqa cür qoyulub. Biz axı ciddi musiqi öyrənmişik. Mən indən belə necə “lə lə lə” oxuyum? Oxuyaram, problem yoxdu, pul da qazanaram, hər şey yaxşı olar. Ancaq istəmirəm, vicdanım götürmür. Mənim evim yoxdur. Heç kəs bilmir, kirayə qalan insanam. Heç vaxt da şikayətlənməmişəm. Təki can sağlığı olsun”.

Bir müddət öncə Milli Məclisin deputatı, Azərbaycan Demokratik Maarifçilik Partiyasının sədri Elşən Musayevin musavat.com-a müsahibəsi zamanı kirayədə yaşadığını deyib: “ Mənfəət güdən adam olsaydım, 2009-dan bəri kirayədə yaşamazdım. Ya da kirayə qaldığım evin yiyəsini son bir il boyunca cidd-cəhdlə inandırmağa çalışmazdım ki, qardaş, vallah-billah, Allah haqqı mən deputatam, yalan danışmıram”.

Musavat.com kirayədə yaşayan məşhurların siyahısını hazırlayıb.

Gənc tamaşaçılar Teatrının tanınmış aktyoru Elnur Kərimov  kirayədə yaşayan məşhurlar siyahısındadır.

 

Əməkdar artist Şəlalə Şahvələdqızı da evsiz tanınmışlardandır. O, anası ilə kirayədə yaşayır.

İllərlə kirayədə yaşan aktyor Azər Axşam hazırda ipoteka şərtləri ilə götürdüyü evdə yaşayır.

Bakı Uşaq Teatrının aktyoru  Cavanşir Məhərrəmov da evsizdir. Hazırda kirayədə yaşayan aktyor bir ev almaq və ailə qura bilmək üçün bir müddət öncə böyrəyini satacağını açıqlamışdı.

Müğənni Günay İbrahimli də uzun müddət kirayədə yaşayıb.

Əməkdar artist Nicat Kazımov uzun müddət qayınanasının evində yaşayıb. Sonra isə həmin evin ikinci mərtəbəsini tikdirərək oraya köçüb.

Akademik Milli Dram Teatrının aktrisası Rada Nəsibova hazırda kirayədə yaşayır.

Müğənni Aysel Əlizadənin də kirayədə yaşadığı deyilir.