Bazar ertəsi , İyun 17 2019
Ana səhifə / Media / Etiraz edən tələbələr prorektorla görüşdən imtina etdilər

Etiraz edən tələbələr prorektorla görüşdən imtina etdilər

Əməkdaşımızın hadisə yerindən verdiyi məlumata görə, yaxın dəqiqələrdə Azərbaycan Dillər Universitetinin akt zalında rektor Əfqan Abdullayev və təhsil nazirinin müavini Ceyhun Bayramovun etiraz edən tələbələrlə görüşəcəyi gözlənilir.

*   *   *13:23

Əməkdaşımız hadisə yerindən bildirir ki, tələbələrin qarşısına çıxmış prorektor Ələddin müəllim (soyadını öyrənə bilmədik – red.) onların bir qrupunu qəbul edə biləcəyini deyib.

Etiraz edən tələbələr prorektorla görüşməkdən imtina ediblər.

*   *   *13:15

Virtualaz.org-un əməkdaşı hadisə yerindən xəbər verir ki, hazırda Azərbaycan Dillər Universitetinin qarşısında 130-150 tələbə v ar və onların əsas narazılığı dərs ilinin sonunda “sürpriz qərar”la dövlət imtahanının təyin edilməsidir.

Tələbələr bildirib ki, 720 mövzunun belə qısa vaxtda öyrənilməsi və imtahana normal hazırlaşmaq mümkün deyil. Onların fikrincə, dövlət imtahanı ilə bağlı qərar dərs ilinin əvvəlində verilməli idi.

Əməkdaşımızın xəbərinə əsasən, hazırda tələbələr universitetin rektoru ilə görüşmək istəyirlər. Bu arada hadisə yerinə gəlmiş Təhsil Nazirliyinin mətbuat xidmətinin rəhbəri Cəsarət Valehov etiraz edən tələbələrlə görüşmədən, universitetin binasına daxil olub.

 

*   *   *13:08

Azərbaycan Dillər Universitetinin tələbələri aksiya keçirirlər.

Virtualaz.org bildirir ki, aksiyaya səbəb 7 il əvvəl ləğv olunmuş dövlət imtahanlarının yenidən bərpa edilməsidir. Tələbələrin fikrincə, onu hazırkı rektor Əfqan Abdullayev bərpa edib. Onlar dövlət imtahanın ləğv olunmasını tələb edirlər.

Etiraz aksiyasında təxminən 200-300 tələbənin iştirak etdiyi bildirilir.

Həmçinin oxuyun

ATV-nin prezidentindən İlkin Xəlilovla bağlı açıqlama

“Azad Azərbaycan” Müstəqil Teleradio Kompaniyasının (ATV) prezidenti Azər Xəlilov   sosial şəbəkələrdə telekanalın jurnalisti İlkin …

Bir cavab yazın