Etiraz edən sürücülərlə bağlı açıqlama: “İşsiz qalmayacaqlar”

Bakı Nəqliyyat Agentliyi (BNA) ləğv edilən marşurut xəttlərində çalışan sürücülərin işsiz qalacaqları haqda etirazlarına münasibət bildirib.

BNA-nın məbuat xidmətinin rəhbəri Nuridə Allahyarova AzVision.az-a açıqlamasında bildirib ki, peşəkar sürücülər narahat olmasınlar, onlar işsiz qalmayacaqlar.

“Bakı şəhəri üzrə ictimai nəqliyyatda peşəkar sürücülərə kifayət qədər ehtiyac var. Sürücünün işsiz qalması kimi problem yoxdur. Peşəkar sürücülər daşıyıcı şirlətlərə müraciət edə bilərlər. Onları Sürücü Təlim Mərkəzlərinə göndərəcəklər. Orada imtahanı uğurla verdikdən sonra Bakı Nəqliyyat Agentliyinə müraciət edə bilər və işlə təmin oluna bilərlər.

Qeyd edim ki, peşəkar sürücülər işsiz qalmayacaq. Lakin tələblərə riayyət etməyən sürücülər bizdə işləyə bilməyəcəklər. Onlar özlərinə başqa iş tapsalar yaxşıdır”.

N.Allahyarova bildirib ki, bağlanan marşurut xətlərinin sürücülərindən indiyədək çoxsaylı şikayətlər daxil olub.

Qeyd edək ki, bir neçə gün öncə 18 və 96 saylı marşurut xəttləri ləğv edilib. Sürücülər bu gün etiraz aksiyası keçirərək işsiz qalacaqlarından şikayətləniblər.