5 ay əvvələdək Cocuq Mərcanlıda uçuq-sökük evlərin qalıqları, erməni vandalizmini özündə əks etdirən mənzərə canlanırdı. İndi isə Cocuq Mərcanlı müasir qəsəbələrdən heç nə ilə fərqlənmir…
Böyük Qayıdışın başlanğıcı olan Cocuq Mərcanlı kəndinin bərpası başa çatıb. İyunun 14-də prezident İlham Əliyevin iştirakı ilə yeni qəsəbənin açılışı olub. Cəmi 5 ay müddətində bərpa edilən Cocuq Mərcanlı ikinci həyatını yaşayır. Sakinlər üçün yeni evlər tikilib, müasir standartlara cavab verən yol salınıb, müasir məktəb binası və Şuşa məscidinə bənzər məscid inşa olunub. Bir sözlə, Cocuq Mərcanlıda sakinlərin yaşayışı üçün yüksək səviyyədə şərait yaradılıb.