Cümə axşamı , İyun 20 2019
Ana səhifə / Media / Çimərliklərlə bağlı sərt qaydalar

Çimərliklərlə bağlı sərt qaydalar

Çimərlik obyektinin yaradılması üçün ayrıca dövlət standartları müəyyən edilir. Çimərlik obyekti yalnız nəzarət və müvafiq icra hakimiyyəti orqanlarının müsbət rəyinin alınması şərti ilə tikilir.

Bu barədə “Turizm haqqında” qanun layihəsinin 55 maddəsində (Çimərlik obyektlərinin yaradılması xüsusiyyətləri) deyilir.

Qeyd edilir ki, çimərlik obyektinin tikintisi layihələndirilərkən dövlət standartlarının tələbləri, normativ hüquqi aktlarla və müvafiq dövlət standartları ilə müəyyən edilmiş təhlükəsizlik qayda və standartları, çimərlik obyekti üçün müəyyən edilmiş idarəetmə tələbləri nəzərə alınmadıqda ona nəzarət orqanı tərəfindən mənfi rəy verilir. Nəzarət orqanı çimərlik obyektinin dövlət təhvili üzrə komissiyasında təmsil olunur. Layihənin 56-cı maddəsi “çimərlik obyektlərinin mövsümdən qabaq yoxlanılması” adlanır. Maddədə göstərilir ki, çimərlik obyektinin və onun istifadə etdiyi ləvazimatların müvafiq dövlət standartlarına uyğunluğu hər çimərlik mövsümünün əvvəlində nəzarət orqanı tərəfindən yoxlanılır.

Çimərlik obyekti bu standartlara cavab vermədikdə, ona həmin qüsurların aradan qaldırılması üçün vaxt verilir. Bu vaxt ərzində qüsurlar aradan qaldırılmadıqda həmin turizm infrastrukturu obyekti, eləcə də sahibi olan subyekt barəsində məlumatlar Dövlət Turizm Reyestrinin aktiv bölməsindən çıxarılır.

Çimərlik xidməti göstərən turizm infrastrukturu subyekti çimərlik mövsümünün başlanmasına azı bir ay qalmış çimərliyin sanitariya norma və qaydalarına uyğunluğunun yoxlanılması üçün nəzarət orqanına müraciət edir və nəzarət orqanı bu uyğunluğun yoxlanılmasını müvafiq icra hakimiyyəti orqanı ilə birlikdə təşkil edir.(Sputnik)

Həmçinin oxuyun

“Yəqin ki, bizim də növbəmiz çatacaq” – Vahid Mustafayev

ANS Yayım və Media Şirkətinin prezidenti Vahid Mustafayev Yenicag.az-ın əməkdaşının “ANS-in açılması nə qədər realdır?” …

Bir cavab yazın