Cümə axşamı , Noyabr 21 2019
Ana səhifə / Media / Cəlilabadda qarın ağırlığına tab gətirməyən ev uçub – FOTO

Cəlilabadda qarın ağırlığına tab gətirməyən ev uçub – FOTO

Cəlilabada yağan qar bir sıra fəsadlar törədib. Rayonun dağlıq kəndlərinə gedən avtomobil yolları qarla örtüldüyündən, nəqliyyat vasitələrinin hərəkəti çətinləşib.

Bəzi sürücülər avtomobillərinin təkərlərinə xüsusi zəncirlər bağlamaq məcburiyyətində qalıblar. Yola ehtiyatsız çıxanlar isə sərt döngələrdə köməksiz qalılar. Rayon ərazisində ən çox qar ucqar dağ kəndlərinə düşüb.

Qar kəndlərdəki tikililərə də ziyan vurub. Rayonun Sadatlı kəndində Yadulla Abbasova məxsus ev qarın ağırlığına tab gətirməyərək tamamilə uçub və yararsız hala düşüb. Eyni gündə İsbat Qafarova məxsus fərdi yaşayış evinin isə çardaq hissəsi çöküb. Xoşbəxtlikdən hər iki hadisə zamanı xəsarət alan olmayıb.

Rayon Fövqəladə Hallar Komissiyasından verilən məlumata görə, ziyan dəymiş evlərə baxış keçirildikdən sonra vətəndaşlara lazımi köməklik göstəriləcək. (“Report”)

Həmçinin oxuyun

Jurnalistin şantajla bağlı şikayəti əsassız olduğu üçün rədd edilib

Bir neçə ay bundan əvvəl “Sputnik” informasıya agentliyində muxbir işləyən, Jurnalist İradə Cəlil Baş prokurorluq …

Bir cavab yazın