Bazar ertəsi , Noyabr 30 2020
Ana səhifə / Media / Bu il Azərbaycanda yay əvvəlki illərə nisbətən isti olacaq

Bu il Azərbaycanda yay əvvəlki illərə nisbətən isti olacaq

Bu il Azərbaycanda yay fəslinin əvvəlki illərə nisbətən isti olacağı gözlənilir.
Azərbaycan Milli Elmlər Akademiyasının (AMEA) Coğrafiya İnstitutunun İqlim və aqroiqlimşünaslıq şöbəsinin baş elmi işçisi, coğrafiya üzrə fəlsəfə doktoru Məhərrəm Həsənovun APA-ya bildirdiyinə görə, qışın və yazın müqayisəsi göstərir ki, yayda havanın temperaturunda keçən illərlə müqayisədə 1-2 dərəcə fərq olacaq. Onun sözlərinə görə, ümumilikdə istilərin davamlı olacağını demək olmaz: “Məsələn, keçən il iyulun 20-dən avqustun 20-dək ölkə ərazisində yağıntı olmadı, amma havanın temperaturu yüksək oldu. Bu il belə davamlı istilər gözlənilmir. Sadəcə müəyyən günlərdə havanın temperaturu 40 dərəcəyə qədər artacaq”.
M.Həsənov əlavə edib ki, bu il Azərbaycanda qış fəsli isti keçib. Onun sözlərinə görə, hətta bəzi günlərlə müqayisədə havanın temperaturu normadan yüksək olub: “Davamlı soyuqlar, mənfi temperaturlar olmayıb. Yazda da hələlik istilər müşahidə olunur”.

Həmçinin oxuyun

“Gəncə və Bərdədə gördüyümüz səhnələr dəhşətli idi” – Fransalı jurnalist

Döyüş zonasından uzaqda yerləşən Bərdə bazarına kasetli bombalarla hücum edilmişdi. Bu, dəhşət idi, bomba heç …

Bir cavab yazın