Bazar , Yanvar 17 2021
Ana səhifə / Media / Bu gün metro xüsusi qrafikdə işləyəcək

Bu gün metro xüsusi qrafikdə işləyəcək

“Qarabağ” və “Kopenhagen” oyunu ilə əlaqədar Bakı metrosunda xüsusi qrafik tətbiq ediləcək.

AZƏRTAC bildirir ki, bu barədə “Bakı Metropoliteni” QSC-nin mətbuat xidmətinin rəhbəri Nəsimi Paşayev deyib.

O bildirib ki, hazırda Bakı metrosunda yay qrafiki tətbiq edilir. Bu gün baş tutacaq “Qarabağ” və “Kopenhagen” oyunundan sonra sərnişin sıxlığının qarşısını almaq üçün qatarlar arasında hərəkət intervalı azaldılacaq. Bundan əlavə, sərnişinlərin təhlükəsiz şəkildə stansiyaya daxil olmaları tənzimlənəcək.

Həmçinin N.Paşayevin sözlərinə görə, qatarların platformada dayanma vaxtı da artırılacaq ki, sərnişinlər rahat şəkildə vaqonlara minə bilsin. “Bakı Metropoliteni” QSC-nin Hərəkət Xidməti rəisi sərnişinlərin metro stansiyaya qəbulu və yola salınmasına şəxsən nəzarət edəcək.

Qeyd edək ki, futbol üzrə UEFA Çempionlar Liqasının play-off mərhələsinin ilk oyunları çərçivəsində bu gün Tofiq Bəhramov adına Respublika stadionunda təmsilçimiz “Qarabağ” Danimarkanın “Kopenhagen” klubunu qəbul edib.

Həmçinin oxuyun

Türkiyə mediası Prezidentin Şuşaya səfərindən yazır

Azərbaycan Respublikasının Prezidenti İlham Əliyevin yanvarın 14-də Əhmədbəyli-Füzuli-Şuşa avtomobil yolunun 27-ci kilometrində Füzuli-Şuşa yolunun, həmçinin …

Bir cavab yazın