Bayramda rayonlara axın kəskin artıb

Bayram ərəfəsində Bakı Beynəlxalq Avtovağzal Kompleksindən 51 mindən çox sərnişin daşınıb.
Bu barədə Nəqliyyat Nazirliyi Dövlət Avtomobil Nəqliyyatı Xidmətinin ictimaiyyətlə əlaqələr şöbəsinin rəhbəri Şəfa Mehmanqızı deyib.
O bildirib ki, Bakı Beynəlxalq Avtovağzalından dekabrın 28-dən 31-dək 1957 reyslə 51349 sərnişin daşınıb. Ən çox sərnişin sayı dekabrın 30-da müşahidə olunub. Belə ki, dekabr ayının 30-da Avtovağzalda 608 reyslə 16525 sərnişin daşınması həyata keçirilib.