Azinforum.az İnformasiya Portalı Onlayn Xəbər Portalı
Paytaxtda hərəkətin təhlükəsizliyinin təmin edilməsi ilə bağlı bu il yanvarın 1-dən avqustun 26-dək Bakıda keçirilən tədbirlər nəticəsində 451 min 918 inzibati protokol tərtib edilib.
Bakı Şəhər Dövlət Yol Polisi İdarəsinin bölmə rəisi, polis polkovniki Vaqif Əsədov AzərTAc-a bildirib ki, bunlardan 9182-si avtomobilin sərxoş vəziyyətdə idarə edilməsi, 19 min 856-sı svetoforun qırmızı işığında keçmə, 4238-i sərnişindaşıma qaydalarının pozulması, 883-ü dövlət nömrə nişanı olmadan avtomobili idarə etmə, 4509-u ötmə, manevr etmə qaydalarının pozulması, 89 min 495-i yolayrıcını keçmə qaydalarının pozulması, 490-nı avtoxuliqanlıq, 1379-u isə nəqliyyat vasitəsinin sənədsiz idarə edilməsi ilə bağlıdır. Qalanları isə digər qayda pozuntusuna görə tərtib edilən protokollardır.
Bundan başqa, 455 min 730 elektron protokol tərtib edilib ki, bu da mərkəzi məlumat sistemində avtomatik olaraq yerləşdirilib.
