Ana səhifə / Media / Badamdarda hasarlar sökülür – Yerində ağac əkiləcək

Badamdarda hasarlar sökülür – Yerində ağac əkiləcək

“Badamdar qəsəbəsində uzun illərdən bəri saxta sərəncamlarla zəbt olunmuş torpaq sahələrinin təmizlənməsi, qanunsuz aparılan tikintilərin sökülməsi işlərinə başlanıb və bu işlər sürətlə həyata keçirilir”.

Qafqazinfo” xəbər verir ki, bunu Səbail Rayon İcra Hakimiyyətinin Təsərrüfat şöbəsinin müdiri Vüqar Məmmədov deyib. İcra Hakimiyyətinin mətbuat xidmətinə danışan V. Məmmədov bildirib ki, bəzi şəxslər ərazidə vaxtilə böyük torpaqlar zəbt edib, saxta sərəncamlarla ərazini özlərinin qeyri-rəsmi biznesinə çeviriblər. İndi də əllərində olan saxta sərəncamları köhnə tarixlərlə vətəndaşlara satmağa çalışırlar: “Təbii ki, biz də bunun qarşısını alırıq. Bu praktika əvvəl olub, amma bu gün qəti şəkildə qarşıya məqsəd qoyulub ki, bu qanunsuzluqlara son qoyulsun. Biz buna mane olanda həmin şəxslərin maraqlarına toxunur və onlar mətbuatda öz mənafelərinə uyğun yalan məlumatlar yayırlar. Hər dəfə biz bu işlərə başlayanda, onlar İcra Hakimiyyətini mətbuatda qaralamağa çalışırlar. Bunları da əsasən biz bilirik kimlərdi. Bu proses dövlət tərəfindən nəzarətlə həyata keçirilir. Bilrisiniz, elə şəxslər var ki, yamaclarda, digər sürüşmə zonası sayılan ərazilərdə iaşə obyektləri, mağazalar tikiblər. Təbii ki, belə hallar yol verilməzdi”.

İcra nümayəndəsi deyib ki, bu ərazilərdə dövlət proqramına uyğun olaraq yaşıllıq sahələrinin salınması nəzərdə tutulur və bu proses artıq gedir: “Badamdar qəsəbəsi 3-cü yaşayış massivində daha 6 hektar yer təmizlənib və orada zeytun ağacları ilə eyni qaydada yaşıllıq salınması işləri gedir. Artıq bu məsələlərin gündəmdən çıxarılmasının vaxtı çatıb və biz yəqin ki, Badamdar qəsəbəsində mətbuat konfransının elementləri ilə açıq mikrofon keçirirək ictimaiyyətə də məlumat verəcəyik. Araşdırmalar tam başa çatdıqdan sonra lazım olsa mətbuat konfransında biz konkret olaraq kimlərin adları varsa, onları təqdim edə bilərik. Və açıq müzakirələr aparmaq olar. Burada elə sənədlər var ki, şəxsin öz adına yox başqa şəxslərin adına alınıb”.

 

Həmçinin oxuyun

Jurnalistin həyat yoldaşı prokurorluqdan şikayətçidir

“Xeberman.com” saytının həbsdə olan rəhbəri Polad Aslanovun həyat yoldaşı Gülmirə Aslanova prokurorluqdan şikayətçidir. Onun sözlərinə …

Bir cavab yazın