Ana səhifə / Media / Azərbaycan jurnalistlərinə koronavirusla bağlı müraciət

Azərbaycan jurnalistlərinə koronavirusla bağlı müraciət

Parlament Jurnalistlər Birliyi (PJB) koronavirusla bağlı ölkə jurnalistlərinə müraciət ünvanlayıb.

Müraciətdə deyilir:

“Dəyərli həmkarlar, hazırda koronavirus pandemiyası bəşəriyyəti təhdid etməkdə davam edir, insanlar bundan haqlı olaraq ciddi şəkildə narahatdır. Mütəxəssislərin rəyinə görə, koronavirusdan daha çox onun xofu, psixoloji sarsıntısı ciddi fəsadlara yol açır.

Belə arzuolunmaz durumun yaranmasında sosial şəbəklər, dəqiqləşdirilməmiş məlumatlar mənfi mənada böyük rol oynayır. Təəssüflə qeyd edilməlidir ki, bəzən jurnalistlər bilrəkdən, ya bilməyərəkdən sosial şəbəkələrə istinadən, dəqiqləşdirilməmiş məlumatları çalışdıqları media qurumlarında dərc edirlər.

Biz jurnalistlər yaranmış çətin dövrdə insanları informasiya ilə təmin etməliyik. Onlara məsələnin ciddiliyini, qaydalara əməl etməyin alternativi olmadığını çatdırmalıyıq. Ancaq bu məslədə ən vacib vəzifəmiz insanlarda inamı artırmaq, onları koronavirusa qalib gələcəklərinə inandırmaqdır.

Hazırki həssas məqamda jurnalistləri peşə-davranış qaydalarına riayət edərək koronavirusa qarşı mübarizədə fəal iştirak etməyə, daha çox əhalinin özünüqoruma qaydaları, ev şəraitində uşaqların və yaşlıların məşğuliyyəti ilə bağlı maarifləndirici yazılara üstünlük verməyə dəvət edirik.

PJB olaraq Nazirlər Kabineti yanında Operativ Qərargaha da müraciət edərək bildiririk ki, həm media, həm də sosial şəbəkələrdə monitorinqlərin keçirilməsinə, media sahəsində yaranacaq hər hansı xoşagəlməz məqamların aradan qaldırılması üçün hər cür dəstəyə hazırıq”.

Həmçinin oxuyun

“Jurnalistlərin sərbəst hərəkəti ilə bağlı anlaşılmazlıq aradan qaldırılmalıdır” – EKSPERT

Aprelin 5-dən etibarən koronavirus infesksiyası ilə əlaqədar bir sıra peşə sahibləri istisna olmaqla, digər vətəndaşlar …