Cümə axşamı , Yanvar 21 2021
Ana səhifə / Media / Ağsu rayon Mərkəzi Xəstəxanasında işıq hələ də yanmır

Ağsu rayon Mərkəzi Xəstəxanasında işıq hələ də yanmır

Ağsu rayon Mərkəzi Xəstəxanasına (RMX) verilən elektrik enerjisi bərpa olunmayıb.

Bu barədə RMX-nin baş həkimi Şəhrəbanu Məlikova məlumat verib.

Baş həkim bildirib ki, xəstəxanada vəziyyət eyni olaraq qalır: “Dörd gündür xəstəxanaya elektrik enerjisi generatorla verilir”.

O vurğulayıb ki, gələn ilin dövlət büdcəsində xəstəxana üçün işıqpulu nəzərdə tutulub: “Bizə sadəcə noyabr və dekabr ayında kömək etmək lazımdır ki, işıq yansın. İl dəyişən kimi biz köhnə borcları da, növbəti ilə olan işıqpulunu da ödəyəcəyik”.

Ş.Məlikova qeyd edib ki, “Azərişıq” ASC-yə noyabr ayına qədər işıq pulu ödənilib: “Quruma 31 920 manat pul ödənilib. Onun 31 min manatı dövlət büdcəsi, 920 manatı şəxsi, yəni özümüz tərəfindən ödənilib. Oktyabrda 400, noyabrda 520 manat pul ödəmişik”.

Həkim bildirib ki, artıq dördüncü gündür xəstəxananın işığı yanmır: “Xəstələri nəzarətdə saxlayırıq ki, ağırlaşma olmasın. Amma ağırlaşma və ölüm olsa cavabdeh kim olacaq bilmirəm. Bizə hələ ki, heç bir rəsmi qurum cavab verməyib”. (“Report”)

Həmçinin oxuyun

Əli Həsənovun jurnalisti şantaj etməsinə reaksiya: “Görün, qafası dünən necəymiş…“

Prezidentin keçmiş köməkçisi Əli Həsənovun adı ətrafında növbəti dəfə qalmaqal yaranıb. Belə ki, Həsənov bu …

Bir cavab yazın