Şənbə , Sentyabr 25 2021
Ana səhifə / Media / “Ağdamdakı dağıntıları görmək çox ağırdır” – Özbək jurnalist

“Ağdamdakı dağıntıları görmək çox ağırdır” – Özbək jurnalist

Qarabağa gəlmək istəyən jurnalistlər çoxdur. Arzulayırdım Qarabağa gəlim, burada baş verənləri öz gözlərimlə görüm. Bu gün istəyimə çatdım. Ağdamdakı dağıntıları görmək çox ağırdır.

Bu sözləri “Show Me Azərbaijan” layihəsi çərçivəsində Ağdamda səfərdə olan Özbəkistanın qalampir.uz portalının müxbiri Feruza Nəcmiddinova deyib. O bildirib ki, Azərbaycanla bağlı çox məlumatlıdırlar və baş verənlər barədə informasiyalar yayımlayıblar.

“Qardaş xalq olaraq Azərbaycanla bağlı çox bilirik və portalımızda çox məlumatlar paylaşırıq. Lakin səfər zamanı gördüklərimizi gözləmirdik. Biz binaların dağıdıldığını gördük, Cümə məscidində, İmarət kompleksində olduq. Bu dağıntıların miqyası bizi çox kədərləndirdi. Azərbaycana səfərimlə bağlı daha dolğun məlumatlar hazırlayıb paylaşacağam”. (AzərTAc)

Həmçinin oxuyun

Moskvada Azərbaycana qarşı təxribat məzmunlu film – VİDEO

Rusiyadaki erməni lobbisinin Azərbaycana qarşı təxribatı davam edir. Belə ki, sentyabrın 25-i və 26-da Moskvadakı …