Cümə axşamı , Mart 28 2024
Ana səhifə / Media / “Abşeron” Gənclər Şəhərciyinin qazlaşdırılması dayandırılıb – “Akkord” podratçı şirkətin pulunu vermir

“Abşeron” Gənclər Şəhərciyinin qazlaşdırılması dayandırılıb – “Akkord” podratçı şirkətin pulunu vermir

“Abşeron” Gənclər Şəhərciyinə qazın verilməsi prosesi dayandırılıb.
Azinforum.az “Ölkə.Az”a istinadən xəbər verir ki, bu barədə “Sherg.az”-a bir qrup şəhərcik sakini məlumat verib.
Şikayətçilərin sözlərinə görə, bu ilin yanvar ayından kompleksə qazın çəkilməsi işi başlanılsa da, 3-gündür ki işlər dayandılıb:
“6-7 ay ərzində bir neçə blok qazlaşdırıldı. Sonra şəhərciyi inşa edən “Akkord” tikinti şirkəti Azəriqaz İstehsalat Birliyi və qazı çəkən podratçı şirkətin haqqını vermədi. Podratçı şirkətin işçiləri 3 aydır əmək haqqı almadıqlarını bildirirdilər. Ona görə də həmin şirkət işi yarımçıq qoyub, getdi. Şəhərcikdəki Mənzil- İstismar idarəsi isə dayandırılmanın səbəbindən xəbərsiz olduğunu bildirir. Bu da o deməkdir ki, ən azı 2017-ci ilin qışını da qazsız keçirəcəyik”.
Sakinlər onu da diqqətə çatdırırblar ki, soyuqlar düşən kimi şəhərcikdə həyat iflic olur:
” Dözülməz vəziyyət yaranır. Şəhərcik gənc ailələr üçün nəzərdə tutulsa da, burada gənclərə “divan tutulur”. Baxın, illərdir ki, binalar tikilib, istifadəyə verilib. Amma qazla təmin edilməyib. Bir çox əlaqədar şəxslərə çoxsaylı müraciətlər olunub. Şəhərcikdə geniştərkibli aksiyalar keçrilib. Hər dəfə “qaz növbəti il veriləcək” deyib bizi aldadıblar.
Təsəvvür edin ki, şəhərciyə məxsus məktəb və bağça qazlaşdırılıb. Amma sakinlər yaşayan binlara qaz verilmir. Belə olan halda, soyuq havalarda mənzilləri qızdırmaq mümkünsüz olur və nəticədə hamımız xəstə düşürük. Dərdimizə çarə tapılmır. Qış aylarında camaat soyuqdan “qırılır”.
Bütün mənzillərə qaz xətti çəkilib, sayğaclar quraşdırılıb. Lakin qaz buraxılmır. Mərkəzi istilik sistemi də yoxdur. Evlərimizi “kondisioner” və başqa isitmə vasitələri ilə qızdırırıq. Bunu da cəmi bir ay edə bilirik. Ona görə ki, həmin cihazlardan istifadə etdikdə, ayda ən azı 100-150 manat işıq pulu ödəməli oluruq.
Bu da az qala əmək haqlarımızın yarısı deməkdir. Neft-qaz ölkəsində qazsız qalmışıq”.
Sakinlər bu həftə sonu şəhərcikdə geniş tərkibli etiraz aksiyası keçirəcəklərini və Bakı – Sumqayıt yolunu bağlayacaqlarını deyiblər.

Həmçinin oxuyun

Miyatoviç Azərbaycan hakimiyyətini ifadə azadlığını boğmaqda günahlandırır

Avropa Şurasının İnsan Hüquqları üzrə Komissarı Dunya Miyatoviç Azərbaycanda jurnalistlərə və fəallara qarşı “artan repressiyalardan” …

Bir cavab yazın