Azərbaycanın ABŞ-dakı səfirliyi önündə keçirilən orduya dəstək aksiyası zamanı erməni təxribatı baş verib.
Oxu.Az xəbər verir ki, Xəzər TV-nin əməkdaşı Vüsalə Abbasova aksiyadan çəkiliş etmək istəyərkən, bir erməni ona yaxınlaşıb və üzərində “Azərbaycan Ermənistan AES-ni vurmaqla hədələyir” yazılı plakat qaldırıb.
Bu anda azərbaycanlılardan biri onu həmin yerdən uzaqlaşdırmaq istəyib və üzərinə su atıb.
ABŞ polisi dərhal məsələyə müdaxilə edib və təxribatçı həmin ərazidən uzaqlaşdırılıb.