Cümə axşamı , Noyabr 26 2020
Ana səhifə / Media / 6 milyon zərəri olan “Azərbaycan” nəşriyyatı özəlləşdiriləcək? – “Buranı bağlatdırmaq istəyirsən?”

6 milyon zərəri olan “Azərbaycan” nəşriyyatı özəlləşdiriləcək? – “Buranı bağlatdırmaq istəyirsən?”

“Azərbaycan” nəşriyyatı 2018-ci ildə də zərərlə işləyib və yığılmış zərəri 6 milyon 99 min manata çatıb.

Nəşriyyatın illik hesabatında bildirilir ki, ötən il xərclər gəlirləri üstələyib və 449 min manat zərər yaranıb. 

2017-ci ilin sonunda 5 milyon 650 min manat olmuş yığılmış zərər 2018-ci ilin sonunda 6 milyon 99 min manata qalxıb. Ötən il “Azərbaycan” nəşriyyatının cəmi kapitalı zərər qədər azalaraq 19 milyon 521 min manata düşüb. 

Bu barədə xəbərlər nəşriyyatın özəlləşdirilmə ehtimalını yenidən gündəmə gətirib. 

“Azərbaycan” nəşriyyatının baş mühəndisi Ləbib Ləbibov Cebhe.info-nun bu barədə sualını aqressiv qarşılayaraq əvvəlcə “Canfəşanlıq edirsən? Nəşriyyatı bağlatdırmaq istəyirsən?” kimi cavablar versə də, daha sonra nəşriyyatın heç vaxt özəlləşdirilməyəcəyini deyib: “Bizim nəşriyyat heç vaxt özəlləşməyəcək. Niyə bu mövzuda belə canfəşanlıq edirsən? Bu mövzu niyə belə maraqlıdır?” 

Həmçinin oxuyun

“Associated Press” azərbaycanlı məcburi köçkünlərin ağır taleyi haqda – FOTO

Məşhur “Associated Press News” agentliyi azərbaycanlı məcburi köçkünlərlə bağlı məqalə hazırlayıb. “Müharibə səbəbindən köçkün düşən …