“Bənövşəyi xətt”ə aid bütün stansiyalarda bu liftlər quraşdırılacaq. Bu xətt 12 stansiyadan ibrətdir və hər bir stansiyada da həmin liftlərin istifadəsi mümkün olacaq.
Bu sözləri Axar.az-a Bakı Metropoliteni QSC-nin ictimaiyyətlə əlaqələr və mətbuat xidmətinin rəisi Nəsimi Paşayev deyib.
Onun sözlərinə görə, sözügedən xəttin mövcud stansiyalarla birləşməsi olacaq:
“Biz metropoliten olaraq yeni bir xətt yaradırıq. Bu xətt isə “Bənövşəyi xətt” adlanır. Bu o deməkdir ki, Avtovağzal metro stansiyasına daxil olan əlil vətəndaş Memar Əcəmi-2 stansiyasında düşəcək. Həmin stansiyada da əlillər üçün nəzərdə tutulan lift mövcuddur”.
Qeyd edək ki, yeni stansiyalarda əlil insanlar yerin üstündən liftlər vasitəsilə birbaşa platformaya enə biləcəklər.