Azərbaycan Mətbuat Şurası (MŞ) “Bakı-Xəbər” qəzetinin baş redaktoru Aydın Quliyevi Azərbaycanda media sahəsindəki xidmətlərinə, uzunmüddətli səmərəli fəaliyyətinə və 60 illik yubileyinə görə diplomla təltif edib.
İyulun 23-də Mətbuat Şurasının sədri Əflatun Amaşov və MŞ sədrinin müavini Umud Rəhimoğlu Aydın Quliyevi 60 illiyi münasibətilə təbrik etmək və diplomunu təqdim etmək üçün redaksiyamızın qonağı oldular.
Ə.Amaşov və U.Rəhimoğlu A.Quliyevi təbrik edərək ona media sahəsində yeni uğurlar və can sağlığı arzuladılar. A.Quliyev də, öz növbəsində, mükafata və təbrikə görə Ə.Amaşova və U.Rəhimoğluna təşəkkürünü bildirdi.
İradə SARIYEVA