Çərşənbə , Noyabr 20 2019
Ana səhifə / Media / Əli Mirəliyevin tənha yaşadığı evi – “Arada yoldaşım, nəvələrim gəlir, amma qalmağa qoymuram” – VİDEO

Əli Mirəliyevin tənha yaşadığı evi – “Arada yoldaşım, nəvələrim gəlir, amma qalmağa qoymuram” – VİDEO

Müğənni Əli Mirəliyev evinin qapılarını ARB TV-nin “Evgördü” verilişinə açıb, maraqlı açıqlamalar verib.
O, 2 mərtəbəli bağ evində tək yaşamasının səbəbini açıqlayıb:
“Tək deyəndə ki, yoldaşım həftədə bir dəfə yanıma gəlir. Aramızda heç bir problem yoxdur. Ona söz verməmişəm ki, həmişə yan-yana olacağıq, deməmişəm ki, mənim yanımda dayan. Xəstəxanada işləyir, həkimdir. Mən də təqaüdçü adamam, şəhərdə nə işim var? Bura sakitlikdir, dincəlirəm. Şəhərə gələndə isə səs-küy, insanların problemi sıxır”.
Sevilən ifaçı dəbdəbəli həyat yaşamağı sevmədiyini bildirib:
“Sadə vətəndaş kimi yaşayıram. Dəbdəbə çox yaxşı şey deyil. Ona öyrəşən sonra elə guppultu ilə yerə dəyir ki. Mən keçmişəm bu mərhələlərdən. O cür insanları çox görmüşəm. Özündənrazılıq qətiyyən olmaz. Bizim bəzi musiqiçilər öz villalarını, geydirmə ağacları və s göstərirlər. Sonradan bilirsən ki, bunlar bankın evləridir. Amma bu mənim öz dədə-baba evimdir”.
Əli Mirəliyev daha sonra İlhamə Quliyeva ilə qohumluğundan söz açıb:
“Qayınanam həm mənə qayınana, həm qayınata, həm də ata və ana olub. Kasıb uşaq idim. Dəstək olub mənə. İlhamə Quliyevanın dayısının yoldaşıdır. Nəvəmə də qayınanamın adını qoymuşam. Anamın yox, qayınanamın”.
Müğənni heç kimə borclu olmadığını söyləyib:
“Mən göz qabağındayam. Olanım budur. Mənim heç kimə borcum yoxdur. Ehtiyacım olanda quru çörək yeyirəm. Şərt deyil ki, ikra falan yeyim. Çalışmışam ki, yaxşı da oxuyum. İndiki gənclər o kanaldan bu kanala qaçır. A kişi, oxumaqdan danışın e. Sən yaxşı oxu, xalq qiymət versin. Üzeyir Hacıbəyovun şəkilin göstərirlər tanımır heç biri. Musiqimiz onunla başlayıb, amma bunlar onu tanımır”.

Həmçinin oxuyun

Jurnalistin şantajla bağlı şikayəti əsassız olduğu üçün rədd edilib

Bir neçə ay bundan əvvəl “Sputnik” informasıya agentliyində muxbir işləyən, Jurnalist İradə Cəlil Baş prokurorluq …

Bir cavab yazın