“Uzaq Şəhər” serialında Cihan Albora obrazı ilə böyük izləyici rəğbəti qazanan aktyor Ozan Akbaba həyat, uğur, xoşbəxtlik və şöhrət haqqında fikirlərini bölüşüb.
Aktyor bildirib ki, insan həyatda yalnız gözəl anlara deyil, çətinliklərə də hazır olmalıdır.
Ozan Akbaba qeyd edib ki, həyat yalnız rahatlıq, uğur və xoşbəxtlikdən ibarət deyil. Onun sözlərinə görə, problemlər, çatışmazlıqlar və qüsurlar da həyatın təbii hissəsidir.
Aktyor insanların mənəvi dəyərləri qoruyaraq və başqalarının həyatına hörmət edərək yaşamasının vacibliyini vurğulayıb. O bildirib ki, hər şeyi yalnız özü üçün istəmək əvəzinə həyatın bütün tərəflərini qəbul etmək insanı daha yetkin və balanslı edir.
Xoşbəxtlik anlayışından danışan Akbaba deyib ki, xoşbəxtlik təkcə peşə uğuru ilə ölçülmür. Onun fikrincə, ailənin sağlam olması, sevdiklərinə dəstək olmaq, onlarla güclü bağ qurmaq və iş həyatında uğur qazanmaq xoşbəxtliyin əsas hissələrindəndir.
Məşhur aktyor sosial münasibətlərdə etibarlı insan kimi tanınmağın onun üçün önəmli olduğunu bildirib. O, hər kəsə çatmağın mümkün olmadığını, lakin düzgün və güvənilən biri olmaq üçün çalışmaq lazım gəldiyini deyib.
Şöhrətin insanı dəyişdirə biləcəyini vurğulayan Ozan Akbaba populyarlığın təsiri ilə səmimiyyətini və təbii davranışlarını itirmək istəmədiyini bildirib.
Aktyor təkəbbürü təhlükəli hal kimi qiymətləndirərək şöhrətin gətirdiyi üstünlük hissinə qapılmaqdan qorxduğunu deyib. Onun sözlərinə görə, insan lovğalığa düşdükdə öz həqiqi xarakterindən uzaqlaşa bilər.
Ozan Akbaba üçün yaxşı keçmiş bir gün isə uğurlu iş, sevdikləri ilə söhbət, istirahət, sevildiyini hiss etmək və günün sonunda rahatlıq tapmaqdan ibarətdir.
Aktyorun həyat, şöhrət və xoşbəxtlik barədə açıqlamaları sosial mediada böyük maraqla qarşılanıb.
Demokrat.az
