Ana səhifə / Manşet / Lənkəran polisi maaş kartından pul oğurlayanın qarşısında belə acizdi?

Lənkəran polisi maaş kartından pul oğurlayanın qarşısında belə acizdi?

Lənkəran rayonu, Hirkan qəsəbəsi sakini Quliyev Habil Böyükağa oğlu Azinforum.az-a müraciət edərək bildirib ki, 2020-ci ilin dekabr ayında onun adına olan “Kapital Bank”a məxsus əmək haqqı kartından 1050 manat pul oğurlanıb. Hətta həmin kartdan 070-746-49-46 telefon nömrəsinə kontur yükləmək üçün ödəniş də olunub.

 Şikayətçinin sözlərinə görə, o, həmin andaca Lənkəran Rayon Polis İdarəsinə şikayət  ərizəsilə müraciət edib: “Məni polisdən “Kapital Bank”a yönləndirdilər. Bankdan mənə pulun həqiqətən oğurlandığını təsdiq edən cədvəl verdilər. Mən həmin cədvəli və hesabımdan pulun köçürüldüyü telefon nömrəsini polisə verdim. Bu barədə dəfələrlə 102 çağrı mərkəzinə də məlumat versəm də, hələ də mənim pulumu oğurlayan adamı məsuliyyətə cəlb etmirlər. Azərbaycan polisinin uğurlu fəaliyyətindən məlumatlıyam. Aşkarlanması çox asan olan bu cinayətin üstünün bir il ərzində açılmaması məndə dərin təəssüf doğurur. Hesab edirəm ki, Lənkəran polisi bu işin ciddi araşdırılmasında maraqlı deyil. Cənab nazirimiz Vilayət Eyvazovdan xahiş edirəm ki, bu məsələdə mənə köməklik etsin”.

Çinarə SEYİDOVA,

Azinforum.az

Həmçinin oxuyun

Naxçıvanda: Dərzi şikayət etdiyi üçün obyekt icarə götürə bilmədiyini deyir

“Aylardır iki azyaşlı körpəmi dolandırmaqda çətinlik çəkirəm” Ötən il, oktyabrın 22-də Naxçıvanın Şərur rayonundakı ticarət …