Bazar , Oktyabr 25 2020
Ana səhifə / Manşet / Jurnalistlərə xarici dil iradı: “Bu işin öhdəsindən gələ bilmirlər”+VİDEO

Jurnalistlərə xarici dil iradı: “Bu işin öhdəsindən gələ bilmirlər”+VİDEO

Azərbaycan Televiziyasının (AzTV) “Çıxışa doğru” tok-şousunda bloqerlik, azərbaycanlı bloqerlərin fəaliyyəti müzakirə olunub.

Jurnalist Aygün Muradxanlı bildirib ki, bloqerlərin yaydığı məlumatı xəbər kimi qəbul etmək olmaz: “İstənilən məlumat rəsmi səviyyədə təsdiqləndikdən sonra xəbərdir. Bu, o demək deyil ki, bloqerlərə qarşıyıq, əlbəttə, müxtəlif mövqelərin olması fikir azadlığını təşviq edir”.
“Azxeber.com” saytının baş redaktoru Hacıbəy Heydərli deyib ki, bloqerlik fəaliyyəti bu gün dünyada əsasən sosial şəbəkələrdən aparılır: “Onlar köşə yazarlarıdır. Biz bloqerlərdən xəbər gözləyə bilmərik”.

“Bakı xəbər” qəzetinin əməkdaşı Məhəmmədəli Qəribli deyib ki, təəssüf ki, beynəlxalq arenaya çıxa biləcək peşəkar jurnalist və bloqerlərimiz çox azdır: “Üç dildə yaza bilən barmaqla sayıla biləcək qədər jurnalistimiz var. Olanlar da jurnalistikadan gedir. Bir neçə dildə xəbər yayan saytlar bu işin öhdəsindən kifayət qədər peşəkar səviyyədə gələ bilmirlər. Xəbərlərin çoxu “Google translate” proqramında tərcümə olunur”.

“Yeni çağ” Media Qrupunun rəhbəri Aqil Ələsgər bildirib ki, azərbaycanlı jurnalistlər şəxsi münasibətlər sayəsində dünya mediasında çıxır: “Xarici media ilə əməkdaşlıq əlaqələrində xeyli geri qalırıq. Əlaqələr yalnız ikili, şəxsi əlaqələrdir”.
Verilişin informasiya dəstəkçisi “BakuPost” saytıdır.

Həmçinin oxuyun

Azərbaycan Vaşinqtondakı görüşdən də irəliləyiş gözləmir – Hikmət Hacıyev nələrə əsaslanır…

Məlahət İbrahimqızı: “Yaxşı olardı ki, həmsədrlər indiyə kimi problemin həllinə dair mexanizm tapaydılar” Prezidentin köməkçisi, …