Cümə , Fevral 3 2023
Ana səhifə / Manşet / Genaral Ramiz Zeynalovun poçtuna: Siz ailənizlə, uşaqlarınızla belə vəziyyətə salınsaydınız nə edərdiniz?

Genaral Ramiz Zeynalovun poçtuna: Siz ailənizlə, uşaqlarınızla belə vəziyyətə salınsaydınız nə edərdiniz?

İndiyə qədər Azərbaycan Daxili İşlər Nazirliyinin mediada və sosial şəbəkələ gedən şikayətlərə, ictimailəşən mövzulara operativ reaksiya verdiyinin şahidi olmuşam. Ancaq həmin qurumun daxilində az qala aftanom şəkildə fəaliyyət göstərən DYP sistemində baş alıb gedən səhlənkarlıq məni bu mövzunu ictimailəşdirməyə vadar etdi. DİN rəhbərliyi bilməlidir ki, vətəndaşın haqlı şikayətinin DYP tərəfindən bu şəkildə qulaq ardına vurulması həm də onların ictimai nüfuzuna xələl gətirir.

Deməli, 30 noyabr, saat 16.50 radələrində içərisində ailə üzvlərim: həyat yoldaşım və iki az yaşlı uşağımın olduğu 90VM585 dövlət nişanlı şəxsi avtomobilimlə Bakı-Quba yolu ilə üzü şəhərə doğru hərəkət edərkən , çox təhlükəli hadisə ilə rastlaşdıq.

Şəkildə gördüyünüz 90UD998 markalı bu avtomobil, uzun bir məsafə boyu məni hərəkət istiqamətini sağ tərəfinə sıxaraq, maşınımın beton “bardura” çırpılmasına çalışırdı. Əvvəl bunu sadə bir “avtoşluq” əməli kimi zənn etdim. Amma sükan arxasındakı adamım bu hərəkəti davamlı etməsi, məni bu fikirimdən yayındırdı. Çox gərgin anlar yaşandığı üçün , uşaqlar bərk qorxdular, qışqırıb ağlayırdılar.

Hətta həmin gündən sonra onlar mənim maşınıma minməkdən qorxurlar, bərk psixoloji sarsıntı keçiriblər. Ekologiya postunu keçəndən sonra, düz Avtovağzalın tuşuna kimi bu adam məni təqib etdi. Adamın xarici görünüşünü də görə bildim. İdmançı görkəmli, üzü saqqalı idi. Dərhal 102 xidmətinə zəng edib, hadisəni olduğu kimi danışdım və həmin avtomobilin nömrəsini təqdim etdim.

Mənimlə özünü “Ekologiya postu”nun əməkdaşı kimi təqdim edən DYP əməkdaşı əlaqə saxladı. Hadisəni ona da danışdım. Sonra Abşeron polisindən əlaqə saxladılar. Təzədən ona da başıma gələni nəql etdim. Mən avtomobildə tək olsaydım həmin adamı sona qədər təqib edib, saxlatdırıb məsələni aydınlaşdırarmağa çalışardım. Maşında təşviş içində olan azyaşlı uşaqlar olduğu üçün, dərhal polisə müraciət etdim. Həm də inandım. Bir neçə gün gözlədim, heç bir səs çıxmadı. Yenidən 102-ni yığıb, şikayətimi bildirdim.

Bundan sonra mənimlə Bakı Şəhər Baş Dövlət Yol Polisinin əməkdaşları əlaqə saxlamağa başladı. Sanki məndən “müsahibə” alırlar kimi, ancaq suallar verib, cavab almaqla işlərini bitmiş saydılar. Vəssəlam! Düz 22 gündür ki, həmin avtomobili saxlayıb, kimliyini müəyyənləşdirib, hansısa tədbir görmürlər. Videogörüntülərə baxıb, araşdırmırlar ki, bu adam niyə ailə üzvlərimlə birlikdə məni öldürməyə çalışırdı? Məcbur qalıb özüm şəxsi kanallarımla həmin maşının kimə məxsus olduğunu araşdırdım.

Bu maşın Xırdalan şəhərində daimi qeydiyyatda olan Rüstəmov Elşən Eyyub oğlunun adındadı. Maşını etibarnamə ilə Sumqayır şəhəri, Koteç qəsəbəsində daimi qeydiyyatda olan Heydərov İldırım Heydər oğlu idarə edir. Etibarnamənin vaxtı isə 11.02.2021-ci ildə bitib.

Çox maraqlıdır, hörmətli DYP rəisi, general Ramiz Zeynalov öz ailəsi ilə birlikdə belə situasiya ilə rastlaşsaydı və bununla bağlı 22 gün ərzində heç bir tədbir görülməsəydi hansı hissləri keçirərdi?

P.S. DİN rəhbərliyi nəzərə almalıdır ki, mən aktiv jurnalistika fəaliyyətilə məşğul oluram və kifayət qədər risq tələb edən araşdırmaların müəllifiyəm. Bu yaxınlarda açıq şəkildə ölümlə hədələnmişəm. Həmin səs yazını hətta ictimailəşdirmişəm. Bəlkə bu davranış elə mənim peşə fəaliyyətimə qarşı yönəlib. Hər-halda məsələnin bu aspektinin də araşdırılması yaxşı olardı.

Məhəmmədəli QƏRİBLİ,

Azinforum.az

Həmçinin oxuyun

Elvin Abbasovun İrana bağlı medianın bosu olan “Hacı Mətləb”lə əməkdaşlığı qalırmı?

Məlum olduğu kimi, Daxili İşlər Nazirliyi Bakıda İranın casus şəbəkəsinə qarşı xüsusi əməliyyat keçirilib. Əməliyyat …