Devalvasiyanın nəticəsi: Vətəndaş evindən çıxarıldı – VİDEO

Xətai rayon məhkəməsinin icra məmurları və rayon bölməsindən polis əməkdaşları iki gün öncə, iyunun 25-i vətəndaş Ümid Mirzəyevin evinə gəlib, ailənin evdən çıxmasını tələb ediblər. 

Ümid Mirzəyevin sözlərinə görə, 2014-cü ildə indiki adı Yelo bank olan- əvvəlki Nikoyl bankdan müalicəsi üçün dollar krediti götürüb. Danışır ki, kredit borcunu bir müddət vaxtı-vaxtında ödəyirmiş, amma həmin illərdə ölkədə devalvasiya baş verir, vətəndaş əlindəki nə var nə yoxsa satmağa məcbur olur ki, kreditini ödəyə bilsin. Amma bir tərəfdən Hepatit C xəstəliyi qaraciyərində problemlər yaratdığı üçün işini də itirir.