“Araz” market iylənmiş kolbasa satdığını təsdiqlədi – “… həmin çeşidlər marketlərdən yığışdırıldı”

Bakıda “Araz” marketdən alınan kolbasa iyrənc halda üfunət iyi verir.

Bakı sakini Nurlan Mirəlinin verdiyi məlumata görə, o, “Araz” marketlər şəbəkəsinin Nizami rayonu ərazisində yerləşən filialından Rusiya istehsalı olan kolbasa alıb.

N.Mirəli məhsulu alarkən üzərində son istifadə tarixinin bitmədiyini görsə də, lakin marketin xidmət keyfiyyətinə güvənməyib.

Belə ki, şikayətçi kolbasanı doğrayan zaman xarab olduğunu və üfunət iyi verdiyinin şahidi olub:

“Rusiyanın ət məhsulları istehsalı olan “ЦАРИЦЫНО” kolbasasını bu gün “Araz” marketdən almışdım. Yaxşı ki, uşaq yeməmiş yoxlamaq üçün özüm kəsdim. Bu zaman kolbasadan elə bir qoxu gəldi ki, dəhşət… Bərbad bir şəkil də iylənib”.

Şikayətçi qeyd edib ki, kolbasanı aldığı gün üzərindəki son istifadə tarixinə 11 gün qalıb. Bundan başqa, alınan kolbasa “Aqrovest” şirkətinin məhsulu olduğunu da vurğulayıb.

Məsələ ilə bağlı aşıqlama verən “Araz” Supermarketlər Qrupunun mətbuat xidmətinin Billurə Əmirova bildirib ki, məsələ saytınızda işıqlandırıldıqdan sonra dərhal araşdırılıb:

““ЦАРИЦЫНО” kolbasasının həmin çeşidləri marketlərdən yığışdırıldı və tədarükçü şirkətə xəbərdarlıq olundu. Onu da qeyd edim ki, “ЦАРИЦЫНО”kolbasaları Rusiya istehsalıdır. Vitrinlərdən standartlara uyğun olaraq bitmə vaxtına 5 gün qalmış yığışdırılır”.

Azinforum.az