Çərşənbə axşamı , Noyabr 29 2022
Ana səhifə / Kriminal / Xalası qızına təcavüzdə təqsirli bilinən Əsgərin işində yenilik

Xalası qızına təcavüzdə təqsirli bilinən Əsgərin işində yenilik

Bakıda Sənay Qəhrəmanlıya təcavüz etməkdə təqsirli bilinən Əsgər Ağazadənin cinayət işi üzrə məhkəmə prosesi keçirilib.

Teleqraf.com xəbər verir ki, Bakı Ağır Cinayətlər Məhkəməsində hakim Novruz Kərimovun sədrliyi ilə baş tutan prosesdə təqsirləndirilən Əsgər Ağazadənin vəkilinin vəsatəti əsasında məhkəmə istintaqı yenilənib.

Prosesdə Əsgər Ağazadə hakimin suallarını cavablandırıb.

Daha sonra Əsgər Ağazadə protokollara tanış olmaq istəyib. Hakim isə deyib ki, hökm çıxandan sonra 3 gün ərzində protokollara tanış olması mümkün deyil.

Növbəti proses oktyabrın 12-də davam edəcək.

Qeyd edək ki, bundan əvvəl keçirilən prosesdə çıxış edən prokuror Əsgər Ağazadənin 7 il müddətinə azadlıqdan mərhum edilməsini istəyib.

İttihama görə, 2004-cü il təvəllüdlü Sənay Qəhrəmanlının cinsi təcavüzə məruz qalması barədə müraciəti əsasında Cinayət Məcəlləsinin 149.2.3 (təqsirkar şəxs üçün aşkar surətdə yetkinlik yaşına çatmayan şəxsə qarşı törədildikdə) maddəsi ilə Yasamal rayon prokurorluğunda başlanmış cinayət işi Baş Prokurorluğun rəhbərliyi tərəfindən nəzarətə götürülməklə istintaqın davam etdirilməsi İstintaq idarəsinə həvalə edilib.

Cinayət işinin istintaqı zamanı şahid dairəsinin müəyyən edilərək dindirilməsi, habelə zəruri ekspertizaların təyin edilməklə rəylərinin əldə olunması təmin edilib.

Keçirilmiş kompleks istintaq-əməliyyat tədbirləri ilə Əsgər Ağazadənin aşkar surətdə yetkinlik yaşına çatmayan xalası qızı Sənay Qəhrəmanlıya cinsi təcavüz etməsinə əsaslı şübhələr müəyyən edilib.

Cinayət işi üzrə Əsgər Ağazadəyə Cinayət Məcəlləsinin 149.2.3-cü maddəsi ilə yekun ittiham elan edilməklə istintaq orqanının təqdimatı əsasında sonuncunun barəsində rayon məhkəməsinin qərarı ilə həbs qətimkan tədbiri seçilib.

30 dekabr 2021-ci il tarixdə Əsgər Ağazadənin təqsirləndirilməsinə dair cinayət işi üzrə istintaq tamamlanaraq baxılması üçün Bakı Ağır Cinayətlər Məhkəməsinə göndərilib.

Sənay Yağmur AXCP üzvü Fuad Qəhrəmanlının qızıdır.

Həmçinin oxuyun

16 yaşlı cüdoçunu öldürən şəxs belə saxlanıldı – Video

Xəbər verdiyimiz kimi, bir neçə gün öncə Bakının Şağan qəsəbəsində qətl hadisəsi törədilib. 2002-ci il …