Çərşənbə , Oktyabr 21 2020
Ana səhifə / Kriminal / Vəzifəli şəxs 14 yaşlı oğlunun maşınla adam vurmasından DANIŞDI: – “Nənəsi deyib ki…”

Vəzifəli şəxs 14 yaşlı oğlunun maşınla adam vurmasından DANIŞDI: – “Nənəsi deyib ki…”

Şabran rayonu Uzunboyad kəndində 14 yaşlı oğlanın maşınla vurub xəsarət yetirdiyi 2005-ci il təvəllüdlü Səkinə İsmayılova evə buraxılıb.

Hadisəni törədən Tofiq Muradovun atası, Uzunboyad kənd bələdiyyəsinin sədri Rafiq Muradov Publika.az-a bildirib ki, S.İsmayılovanın həyatı üçün təhlükə yoxdur və ayağına gips qoyulandan sonra o, ambulator müalicəyə yazılıb. Bələdiyyə sədri əlavə edib ki, hadisə vaxtı o, kənddə deyil, Xaçmazda olub: “Mən Xaçmazda idim, zəng edib dedilər ki, uşaq maşınla sinif yoldaşını vurub. Çox şükür ki, ağır xəsarət almayıb. Hadisə uşaq məktəbdən evə gələndən sonra baş verib. Nənəsi Tofiqə maşının açarını verib. Deyib ki, təzyiqim var, get tibb bacısını gətir, iynə vursun. Uşaq da evdən təxminən 500 metr aralanandan sonra bu hadisəni törədib. Heç kim istəməzdi ki, belə bir hadisə olsun”.

Qeyd edək ki, hadisəni törədən məktəbli yaş həddi və xəsarətin yüngüllüyü ilə əlaqədar polis tərəfindən sərbəst buraxılıb.

Həmçinin oxuyun

Bakıda bank işçisindən iş yoldaşına qarşı cinayət — Təfərrüat

Bakıda dələduzluq etməkdə ittiham olunan 1978-ci il təvəllüdlü Səbuhi Əhmədovun cinayət işi üzrə məhkəmə prosesi …