Sinif yoldaşları, müəllimini, sonra özünü bıçaqladı – Rusiyada dəhşət+Video

Rusiyanın Başqırdıstan regionunda 17 yaşlı məktəbli sinif yoldaşlarına bıçaqla hücum edib, daha sonra məktəbdə yanğın çıxarıb.

“Qafqazinfo” Rusiya KİV-nə istinadən xəbər verir ki, şagird əvvəlcə yoldaşlarından birinin əlini kəsib, həmçinin müəlliminə bıçaq zərbəsi vurub.

Məktəbdə yanğın çıxardıqdan sonra isə özünü yaralayıb. Baş verənlərdən qorxan daha bir şagird isə özünü məktəbin ikinci mərtəbəsindən atıb.

Ümumilikdə üç şagird, bir müəllim və silahlı məktəbli xəstəxanaya yerləşdirilib.