“Sürücülər icbari sığorta müqaviləsini alan zaman məlumatların sistemə düzgün vurulmasına diqqət yetirməlidirlər”.
Fins.az-ın məlumatına görə, bunu keçirdiyi mətbuat konfransında İcbari Sığorta Bürosunun (İSB) icraçı direktoru Elxan Quliyev deyib. Onun sözlərinə görə, sığorta müqaviləsi ilə bağlı hər hansı problemin yaranmaması üçün sürücülər özləri də məsuliyyətli olmalıdırlar. Sığorta müqaviləsi bağlanandan sonra belə onun sms vasitəsilə qüvvədə olub-olmamasına diqqət yetirməlidirlər. Kağız müqavilələrdə bəzi hallarda sığorta satışı ilə məşğul olan şəxslər və agentlər saxtakarlığa yol verərək məlumatları təhrif edirdilər. Eyni halların təkrar olunmaması üçün elektron müqavilələrə də diqqət yetirilməlidir.