Şənbə , May 21 2022
Ana səhifə / Kriminal / Samir Adıgözəlli: “Mübariz Mənsimov “Lotu Quli”ni sağlığında söyə bilməzdi”

Samir Adıgözəlli: “Mübariz Mənsimov “Lotu Quli”ni sağlığında söyə bilməzdi”

Türkiyədə yaşayan, Azərbaycanlı iş adamı kimi tanınan Mübariz Mənsimovun Xural tv də qarmaqarışıq videosunu izlədim.
Niyə qarmaqarışıq ?


Mənsimov həmin videoda “Nənəm mənə kor deyib, gəlib gedəni vur deyib ” məntiqi ilə, daha doğrusu məntiqsiz ifadələrlə çıxış edir. Hər kəsi hədələdi, borclu çıxartdı , döydü – söydü , özünü isə öz aləminin kralı elan etdi. Türmədən çıxdıqdan sonra gündəmə gəlmək istəyən “Palmali” şirkətinin patronunun video çıxışının bir hissəsinə toxunacam.

Mübariz Mənsimovun çıxışında qəribə səslənən məqam mərhum Lotu Quli ( Nadir Səlifov ) haqqında dedikləridir. O bildirir ki, Lotu Quli ona zəng vuraraq dostları haqqında danışmamağı istəyib. Mənsimov isə Qulini telfonda söydüyünü qeyd edir.


Təsəvvür edin , Mənsimov deyir ki, leksikonumda nə qədər söyüş var idisə hamısını telefonda ona dedim.
Baxın, bu sözləri özünü iş adamı adlandıran bir şəxs deyir. Əvvəla, vəfat etmiş bir şəxsin arxasınca danışmaq, özü də publik danışmaq etikadan kənar bir hərəkətdir.


İkincisi , Mənsimovun “ Lotu Quli”yə telefonda söyməsi də inandırıcı deyil .Tam əminəm ki, “Quli” sağ olsaydı , bu sözləri demək cəsarəti Mənsimov da olmazdı.


“Lotu Quli”yə telefonda söydüm demək, onu aşağılamaq Mübarizi yüksəldəcək hal deyil. Pafoslu cümlələrlə danışan Mənsimovun şirkətinin niyə müflis olduğu indi daha aydın görünür.

Samir ADIGÖZƏLLİ,

İSBAM sədri

Həmçinin oxuyun

“Bəzi məktəblərdə narkotik biznesi məsələləri var…”

Son vaxtlar məktəblərdə şagirdlərin bir-birini bıçaqlaması, xəsarət yetirməsi kimi hallarla rastlaşırıq. Son olaraq Xəzər rayon …