Bazar , Oktyabr 25 2020
Ana səhifə / Kriminal / Salyanda məktəblilər olan mikro-avtobus aşdı – 1 uşaq öldü, 7 nəfər yaralandı (YENİ 2-FOTO)

Salyanda məktəblilər olan mikro-avtobus aşdı – 1 uşaq öldü, 7 nəfər yaralandı (YENİ 2-FOTO)

Səhiyyə Nazirliyi Salyanda mikroavtobusun qəzaya düşməsi ilə bağlı məlumat yayıb.

Nazirlikdən Unikal.org-a verilən məlumata görə, 1 uşaq aldığı xəsarətlərdən yerində dünyasını dəyişib.

Biri sürücü olmaqla 7 nəfər müxtəlif xəsarətlərlə Salyan Mərkəzi Rayon xəstəxanasına yerləşdirilib. Onlardan 6-sının vəziyyəti normal, birinin vəziyyəti isə ağır stabil qiymətləndirilir.

Qeyd edək ki, hadisə bu gün səhər saatlarında Ələt-Astara magistral yolunun Salyan rayonu ərazisindən keçən hissəsində qeydə alınıb. “Vita” markalı avtobus idarəetməni itirərək yoldan çıxıb və aşıb.

09:55

Salyan məktəblilərin olduğu avtomobil qəza törədib, bir nəfər ölüb.

Unikal.org “Qafqazinfo”ya istinadən xəbər verir ki, Şirvan şəhərindən şagirdləri Cəlilabad rayonuna güləş yarışına aparan sürücü idarə etdiyi “Mercedes Vito” markalı mikro avtobusun idarəetməsini itirərək aşırıb.

Qəza nəticəsində Şirvan sakini, 12 yaşlı Əhmədov İlkin Adil oğlu vəfat edib, digər iki şagird isə yaralanaraq xəstəxanaya yerləşdirilib.

*** 

Salyanda yol-nəqliyyat hadisəsi baş verib.

Unikal.org Report-a istinadən xəbər verir ki, hadisə bu gün səhər saatlarında yeni Ələt-Astara magistral yolunun rayon ərazisindən keçən hissəsində qeydə alınıb. 

İlkin məlumata görə, baş verən qəza nəticəsində yaralananlar var.

Faktla bağlı araşdırma aparılır.

Həmçinin oxuyun

Bakıda bank işçisindən iş yoldaşına qarşı cinayət — Təfərrüat

Bakıda dələduzluq etməkdə ittiham olunan 1978-ci il təvəllüdlü Səbuhi Əhmədovun cinayət işi üzrə məhkəmə prosesi …