Şənbə , Avqust 13 2022
Ana səhifə / Kriminal / Sabiq başçının 2 milyonluq əmlakı əlindən alındı – Siyahı

Sabiq başçının 2 milyonluq əmlakı əlindən alındı – Siyahı

Cəlilabad rayon İcra Hakimiyyətinin sabiq başçısı Namiq Zeynalovun üzərinə həbs qoyulmuş əmlakları məhkəmənin hökmü ilə dövlət nəfinə müsadirə olunacaq.

Bu barədə Lənkəran Ağır Cinayətlər Məhkəməsində bu gün elan olunan hökmdə bildirilib.

Sabiq icra başçısının müsadirə olunmuş əmlaklarının siyahısını təqdim edirik:

– Fərdi yaşayış evləri;

– “Lexus” markalı minik avtomobili;

– Bir neçə ərazidə yerləşən müxtəlif təyinatlı torpaq sahələri

Əmlakların ümumi bazar dəyəri 2 milyona yaxın qiymətləndirilir.

Xatırladaq ki, Dövlət Təhlükəsizliyi Xidməti (DTX) tərəfindən keçirilən əməliyyatla həbs olunmuş sabiq icra başçısı Namiq Zeynalov bu gün Lənkəran Ağır Cinayətlər Məhkəməsinin hökmü ilə 12 il müddətinə azadlıqdan məhrum edilib.

Namiq Zeynalov Cinayət Məcəlləsinin 179.2.2 (Mənimsəmə və ya israf etmə təkrar törədildikdə) 179.2.3 (şəxs tərəfindən öz qulluq mövqeyindən istifadə etməklə törədildikdə); 179.2.4 (xeyli miqdarda ziyan vurmaqla törədildikdə), 308.2 (vəzifə səlahiyyətlərindən sui-istifadə), 311.3.3 (külli miqdarda rüşvət alma), 311.3.2 (təkrar rüşvət alma), 313-cü (vəzifə saxtakarlığı) maddələri ilə təqsirli bilinib.

Həmçinin oxuyun

“Quska“ Prezidentə xahişlə müraciət etdi

Həbsdə olan sabiq deputat, iş adamı Hüseyn Abdullayev (Quska) prezident İlham Əliyevə onun “əsassız cinayət …