Şənbə , Dekabr 10 2022
Ana səhifə / Kriminal / Sərxoş sürücü qaçdı, polis maşına atəş açdı – Video

Sərxoş sürücü qaçdı, polis maşına atəş açdı – Video

Səbaildə yol polisi əməkdaşları ilə sürücü arasında silahlı insident yaşanıb.

“Qafqazinfo” xəbər verir ki, gecə saatlarında 1983-cü il təvəllüdlü Səbail rayon sakini Muradov Rəşad Əli oğlu idarə etdiyi yük avtomobili ilə yol ayrıcını keçmə qaydasını pozduğuna görə Səbail rayon Dövlət Yol Polis Şöbəsi əməkdaşları tərəfindən saxlanılıb. Saxlanılarkən şəxsin sərxoş olduğu şübhəsi yaranıb. Ondan avtomobildən düşüb sərxoşluq testi verməsi tələb olunsa da, sürücü buna əməl etməyib.

Buna görə də əraziyə digər polis əməkdaşları da çağırılıb. Daha sonra sürücü tabesizlik göstərərək ərazidən uzaqlaşmaq istəyib. Hərəkətinə davam edərkən yaxında olan 5 avtomobili əzib. Bundan sonra yol polisi əməkdaşları şəxsin saxlanılması üçün silahdan istifadə ediblər. Onlar avtomobilin arxa təkərlərini partladaraq maşının dayanmasını təmin ediblər. Daha sonra şəxs müayinəyə aparılıb.

Müayinə zamanı aydın olub ki, R.Muradov nəinki alkoqol içkinin təsiri altındadır, hətta qanında narkotik vasitə də çıxıb. Onun barəsində protokol tərtib olunub. Hazırda araşdırma aparılır.

Faktı Bakı Şəhər Dövlət Yol Polisi İdarəsinin (BDYPİ) baş inspektoru, polis mayoru Araz Əsgərli “Qafqazinfo”ya təsdiq edib: “Faktla bağlı cinayət işi başlanıb. Araşdırma aparılır”. 

https://ok.ru/videoembed/4090738903658

Həmçinin oxuyun

“Tariyel Qurbanovu şantaj etməsini bilməmişəm”- YENİ DETALLAR

Məşhur prokuror Tariyel Qurbanovu şantaj etməkdə ittiham olunan Ümman Əliyev, Natiq Nuriyev, Pərvin Yusifov, Ələkbər …