Çərşənbə , İyun 19 2019
Ana səhifə / Kriminal / Şərur rayonunda yeni fındıq bağı salınıb

Şərur rayonunda yeni fındıq bağı salınıb

Şərur rayonunun Yengicə kəndində 1 hektar sahədə yeni fındıq bağı salınıb.

Naxcivantv.az xəbər verir ki, bağ gənc bağban Babək Seyidova məxsusdur. O, Türkiyədən tez ərsəyə gələn, məhsuldar tinglər gətirib:

“Tingləri Türkiyənin Samsun vilayətindəki bir fındıqçılıq təsərrüfatından alıb gətirmişəm. Giresun sortudur, çox məhsuldar sortdur. 1 hektar sahədə iki min ədəd ting əkmişəm. Gələcəkdə sahəni böyüdəcəm və 35 min ədəd ting alıb gətirəcəm”.

Naxçıvan MR-sı Ali Məclisi Sədrinin 2016-cı il 8 fevral tarixli Sərəncamı ilə təsdiq edilmiş “2016-2020-ci illərdə Naxçıvan MR-da meyvəçiliyin və tərəvəzçiliyin inkişafı üzrə Dövlət Proqramı”na uyğun olaraq yaşıllaşdırma işləri davam etdirilir. Təkcə 2016-cı ildə 546 hektar ərazidə yaşıllaşdırma tədbirləri aparılıb. O cümlədən 200 hektardan artıq sahədə yeni meyvə bağı salınıb. Bu ilin yaz əkinlərində isə 225 hektar yeni yaşıllıq sahəsi salınıb.

Həmçinin oxuyun

Ana özünü körpəsini parçalayan itin qarşısına atdı – Azərbaycanda DƏHŞƏT

Bərdə rayonunun Mustafaağalı kəndində yaşayan Məmmədova Lalə Fəxrəddin qızı bədbəxt hadisə ilə üzləşib.Azinforum.az sputnik.az-a istinadla …

Bir cavab yazın