Bazar ertəsi , Noyabr 28 2022
Ana səhifə / Kriminal / “Sədərək”də 30 min manatı döyülərək alınan sahibkarı izləyirlərmiş – TƏFƏRRÜAT

“Sədərək”də 30 min manatı döyülərək alınan sahibkarı izləyirlərmiş – TƏFƏRRÜAT

Bakıda mağazada satıcı və müştərilər gedən kimi obyektə basqın edilib, sahibkara ağır xəsarətlər yetirilib.

Hadisə paytaxtın Qaradağ rayonu, ”Sədərək” Ticarət Mərkəzində qeydə alınıb.

Təsərrüfat malları satılan mağazalardan birinə basqın edən naməlum şəxs və ya şəxslər sahibkarı döyüb, obyektdən külli miqdarda pul aparıblar.

Zərərçəkmiş Şakir Ağayevin övladlarının “Xəzər Xəbər”ə verdikləri məlumata görə, hadisə axşam saatlarında satıcılar getdikdən sonra, ataları mağazada tək olarkən baş verib.

Şakir Ağayevlə qonşu mağazada işləyənlər də bildirdilər ki, naməlum şəxs və ya şəxslər onu izləyib, bu cinayəti törədiblər.

Ticarət mərkəzinin mətbuat katibi Kəmaləddin Qədim deyib ki, məlumat daxil olan kimi yaralı Şakir Ağayevə ilk tibbi yardımı ticarət mərkəzinin əməkdaşları göstəriblər. Daha sonra o xəstəxanaya aparılıb, hazırda vəziyyəti normaldır.

Həmin mağazanın qarşısında təhlükəsizlik kamerası olmasa da, ticarət mərkəzinin ümumi ərazisində kameralar var.

Faktla bağlı rayon polis idarəsində müvafiq maddələrlə cinayət işi başlanıb, bu əməli törədən şəxs və ya şəxslərin axtarışı aparılır.

Həmçinin oxuyun

16 yaşlı cüdoçunu öldürən şəxs belə saxlanıldı – Video

Xəbər verdiyimiz kimi, bir neçə gün öncə Bakının Şağan qəsəbəsində qətl hadisəsi törədilib. 2002-ci il …